قازاقستان تۋرالى ا ق ش پەن ەۋروپانىڭ ايگىلى تەلەشوۋلارىندا كورسەتىلمەك
«وزدەرىڭىز بىلەتىندەي، مادەنيەت جانە سپورت مينيسترلىگى كينوماتوگرافيا تۋرالى زاڭدى دايارلاۋ بويىنشا ءبىرشاما اۋقىمدى جۇمىستاردى اتقارعان بولاتىن. وتكەن جىلى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ا ق ش- قا ساپارى بارىسىندا گولليۆۋدتىڭ مەيدجور-ستۋديالارىنىڭ باسشىلارىمەن كەزدەسكەن بولاتىنبىز»، - دەپ جازادى ارىستانبەك مۇحامەدي ۇلى فەيسبۋك پاراقشاسىندا.
ءمينيستردىڭ ايتۋىنشا، قازىرگى تاڭدا الماتىعا قۇرامىندا سەكسەن ادام بار امەريكالىق ءتۇسىرىلىم توبى كەلىپ جەتكەن.
«سوڭعى كۇندەرى ءبىزدىڭ قالا ا ق ش پەن ەۋروپادا ايگىلى تەلەشوۋلار جۇمىس جۇرگىزىپ جاتقان الىپ ءتۇسىرىلىم الاڭىنا اينالدى. ولاردى ش. ايمانوۆ اتىنداعى «قازاق فيلم» كينوستۋدياسى قارسى الۋدا. بەلگىلى ءبىر سەبەپتەرگە بايلانىستى ءبىز باعدارلامالاردىڭ اتاۋىن ازىرگە ايتا المايمىز. ءبىراق، جۋىق ارادا قاي ارنادان قانداي باعدارلامالار تۇسىرىلەتىنى تۋرالى بىلەتىن بولاسىزدار. قازاقستانداعى شوۋلاردىڭ ءتۇسىرىلىمى ءساتتى ءوتتى. بۇل دەگەنىمىز كەزەكتى مارتە ءبىزدىڭ جەرگىلىكتى كينەماتوگرافيستەردىڭ جوعارى كاسىبيلىك دەڭگەيىن كورسەتەدى»، - دەيدى ول.
ارىستانبەك مۇحامەدي ۇلى اتاپ وتكەندەي، بۇل ارىستەستىك قازاقستاننىڭ كينو سالاسىنا ءىرى ينۆەستيتسيا سالۋعا، سونىمەن بىرگە تۋريزم سالاسىنا سەرپىن بەرمەك.
«تەلەەكرانعا اتالمىش باعدارلامالار شىققاننان كەيىن قازاقستانعا دەگەن قىزىعۋشىلىق ارتا تۇسەرىنە سەنەمىن»، - دەيدى مينيستر.