نەگە كەي ادامدار تۋعان كۇن تويلاۋدان قاشادى؟
ادامنىڭ ءوزىن قابىلداي الماۋى: ادامنىڭ ءوزىن قابىلداي الماۋى وتباسىلىق قارىم- قاتىناستان، قوعامداعى ورنىنان بايقالادى. ەگەر ادام بالا كەزىندە ماحابباتتىڭ جەتىسپەۋشىلىگىن سەزىنسە، ول الدىمەن ونى وزگەلەردىڭ قابىلداعانىن كۇتەدى. بالانىڭ ءوزىن قابىلداۋ ءۇردىسى ىشتە جاتقاندا- اق باستالادى.
ادامداردىڭ نازارى: كەيبىر ادامدار شۋلى ورتا مەن ادامداردىڭ وزىنە بولگەن نازارىن ۇناتا قويمايدى. ولارعا وزىمەن وڭاشا قالعان، سالماقتى دا تۇراقتى وزدەرىنىڭ ءبىرقالىپتى ومىرلەرى قىزىقتىراق. تۋعان كۇندى تويلاتۋ ولار ءۇشىن تىنىش كۇندە كەنەتتەن باستالعان داۋىل ىسپەتتەس.
قورىتىندى شىعارۋ: تۋعان كۇن - ادامعا بەرىلگەن ءبىر جىلدىق تىزبەكتىڭ اياقتالىپ، كەلەسى كەزەڭگە ءوتۋى. وتكەن 365 كۇندە نە ىستەدىڭىز، قانداي جەتىستىككە جەتتىڭىز، نەنى باعىندىردىڭىز - وسى ساۋالدارعا جاۋاپ ىزدەيتىن كۇن. ءبىراق، كەيدە ماقسات پەن ارماندارىمىز ءۇشىن 365 كۇن جەتكىلىكسىز. ويلانىپ كورىڭىزشى، وسى كۇنى وزىنە ەسەپ بەرەتىن جاندار ءۇشىن اسا جاعىمدى ەمەس...
بالا كەزدەن قالعان قورقىنىشتار: سانامىزدا ساقتالىپ قالعان قورقىنىشتاردىڭ بولۋى ابدەن مۇمكىن. ءبىرى تۋعان كۇنىنە سايكەس كەلگەن قايعىنى باستان كەشىرسە، ەندى ءبىرى بەلگىسىز قيىندىققا تاپ بولۋى عاجاپ ەمەس. قانشا جەردەن ادام ۇمىتۋعا تىرىسسا دا، مي مەن ءتان ءبارىبىر ەستە ساقتايدى.
Massaget.kz