گرۋزيانى ورالمان ايەل باسقارادى
گرۋزيا ورتالىق سايلاۋ كوميسسياسىنىڭ بەيسەنبى كۇنگى مالىمەتتەرىنە سۇيەنسەك، سايلاۋ ۋچاسكەلەرىندەگى بيۋللەتەندەردىڭ %91,42 وڭدەلدى. ناتيجەسىندە، سالومە زۋرابيشۆيلي %59,55 داۋىس جيناعان. ال ونىڭ باقتالاسى گريگول ۆاشادزەنى سايلاۋشىلاردىڭ % 40,45 قولداعان.
گرۋزيا ورتالىق سايلاۋ كوميسسياسى رەسمي سايتىنىڭ ارناۋلى بولىمىندەگى اقپاراتقا سايكەس، زۋرابيشۆيليگە - 570063 1ادام، ۆاشادزەگە 717942 ادام داۋىس بەرگەن.
ەسكە سالايىق، گرۋزيادا 28 - قاراشا كۇنى پرەزيدەنت سايلاۋىنىڭ ەكىنشى تۋرى ءوتتى. وعان «گرۋزيا ارمانى» بيلەۋشى پارتياسىنان سالومە زۋرابيشۆيلي جانە « ءبىرتۇتاس ۇلتتىق قوزعالىس» وپپوزيسيالىق پارتياسىنان كانديدات گريگول ۆاشادزە قاتىستى. وسك مالىمەتتەرىنە قاراعاندا، سايلاۋشىلاردىڭ % 56,23 داۋىس بەرگەن.
66 جاستاعى ساياساتكەر فرانسيادا دۇنيەگە كەلىپ، ۇزاق جىلدار سول ەلگە قىزمەت ەتكەن بولاتىن. الايدا ول 2003 -جىلى تاريحي وتانى - گرۋزياعا قايتا ورالعان.
2004 -جىلى سول كەزدەگى پرەزيدەنت ميحايل سااكاشۆيلي ونى بىردەن گرۋزيانىڭ سىرتقى ىستەر ءمينيسترى ەتىپ تاعايىنداعان بولاتىن.
ەندى مىنە اراعا 14 جىل سالىپ بارىپ گرۋزيانىڭ پرەزيدەنتىگىنەن ۇمىتكەرگە اينالدى.
Baq.kz