جاستارعا ايتار اقىلىم: باقىتتى ءومىردى باسقا جەردەن ىزدەمەڭدەر - ەلباسى
وسىلايشا، 2019-جىل - جاستار جىلى بولىپ بەكىتىلدى.
ەلباسىنىڭ تاۋەلسىزدىك جىلدارى جارىق كورگەن كىتاپتارى، ماقالالارى، جاساعان باياندامالارى مەن ايتقان سوزدەرىندە جاستار ماسەلەسى كەڭىنەن قامتىلعان. ولاردىڭ اراسىندا قاناتتى سوزگە اينالىپ كەتكەن تىركەستەر دە جەتەرلىك. وقىرماندارعا سولاردىڭ بىرەرىن ۇسىنىپ وتىرمىز.
***
قازىر بوي جارىستىراتىن زامان ەمەس، وي جارىستىراتىن زامان.
***
وسەر ەلدىڭ بالاسى ارمانشىل بولسا، وشەر ەلدىڭ بالاسى جانجالشىل بولادى.
***
جاستارعا ايتار اقىلىم: باقىتتى ءومىردى باسقا جەردەن ىزدەمەڭدەر.
***
بولاشاق جامان نەمەسە جاقسى بولا المايدى. ول، ءبىز ونى قالاي قالىپتاستىرساق، سونداي عانا بولادى.
***
بۇل زامان بىلەككە سەنەتىن ەمەس، بىلىمگە سەنەتىن زامان.
***
وقۋ، ۇيرەنۋ - ۇيات ەمەس، ناداندىقتا قالىپ، ودان ارىلۋعا تالپىنباۋ ۇيات.
***
ءومىر تولاسسىز وزگەرىپ جاتىر: ءبىر كەزدەگى بىلگەن ازدىق ەتەدى.
***
بۇگىن جاستار الدىندا بار الەمنىڭ ەسىگى اشىق.
***
ءبىزدىڭ بالا كەزىمىزدە اۋىل مەكتەبىندە كىتاپ از بولدى. ءبىز كىشكەنتاي كىتاپحاناداعى بارلىق كىتاپتى وقىپ شىقتىق. قازىر كىتاپ دەگەن كوپ، قايسىسىن تاڭداپ وقىرىڭدى بىلمەيسىڭ.
***
زاماناۋي الەمدە ەلدىڭ قۋاتى ەڭ الدىمەن ازاماتتارىنىڭ بىلىمىمەن ولشەنەدى.
***
«ءومىر بويى ءبىلىم الۋ» ءاربىر قازاقستاندىقتىڭ جەكە كرەدوسىنا اينالۋى ءتيىس.
***
مەن سەندەرگە قىزىعامىن. مەنىڭ كەزىمدە جانە مەن سەندەر سياقتى جاس بولعاندا وسىلاي ءبىلىم الۋعا جانە ءوز وتانىڭدا اۋقىمدى پروبلەمالاردى شەشۋگە مۇمكىندىكتەر بولمادى.
***
وزگەلەر سالعان سۇرلەۋگە ءتۇسىپ، بوتەن ءىزدىڭ شاڭىن جۇتۋ قازاقستان جاستارىنىڭ تاڭداۋى ەمەس.
***
قازىرگى باسەكە زامانىندا قاجىر-قايراتىڭ، ىنتا-جىگەرىڭ، تىنىمسىز ىزدەنىسىڭ بولماسا، كوشتەن قالۋ وپ-وڭاي.
***
جاس كەزىندە ۇلكەن ىسكە قۇلاش سەرمەمەگەن جاننان جاسى ۇلعايعاندا ۇلكەن ناتيجە كۇتۋدىڭ ءوزى بەكەرشىلىك.
***
ەڭبەك ادامعا تابىس بەرەدى، ەڭبەك ادامعا دارەجە بەرەدى، ەڭبەك ادامعا لاۋازىم بەرەدى. ارمانىنا جەتكىزەدى. ەڭبەكسىز ادام ارمانىنا جەتە المايدى.
***
الىس جول العاشقى ادىمنان باستالادى.
***
مەملەكەت سىزدەردىڭ الدارىڭىزدان جاڭا مۇمكىندىكتەر اشىلۋى ءۇشىن بارلىعىن جاساۋدا. ولار - سىزدەردىڭ اتا-انالارىڭىز ءتىپتى ويلاپ تا كورمەگەن مۇمكىندىكتەر.
***
... ءوز ءومىرىڭنىڭ قوجاسى ءوزىڭ بولۋىڭ - كەز-كەلگەن قازىنادان باعالى.
***
ۇمتىلساڭ- ۇتارسىڭ.
***
ءار ادام جاس كەزىنەن باستاپ ۇلكەن نارسەلەردى ارمانداپ، سوعان قول جەتكىزۋگە ۇمتىلۋى كەرەك دەپ ەسەپتەيمىن... ەگەر ءتىپتى ارمانداعان بيىگىڭنىڭ جارتىسىنا جەتسەڭ، قالىپتى ءومىر سۇرەتىن بولاسىڭ.
***
ەڭ باستىسى توي تويلاۋ ەمەس، ەڭ باستىسى - وي ويلاۋ.
***
ەلىمىزدىڭ باستى بايلىعى، ەڭ قاستەرلى قازىناسى جەردىڭ استىندا دا ەمەس، ۇستىندە دە ەمەس - ادامدارىمىزدىڭ جۇرەگىندە.
***
جالپى، جاستاردىڭ سپورتقا ۇمتىلىسى بولعانى جاقسى، بۇل ادەت ادام بويىندا ءومىر بويى قالىپ قويادى. ءوزىڭدى ءاردايىم بابىڭدا ۇستاۋ كەرەك.
***
بالا تاربيەلەۋ - بولاشاققا ەڭ ۇلكەن ينۆەستيتسيا.
***
ادامعا، ونىڭ ءبىلىم الۋىنا، مادەنيەتكە قارجى سالۋ - بۇل مەملەكەتتىڭ بولاشاعىنا قارجى سالۋ.
***
قازاقستاندا تۇراتىن ءاربىر ادام ءوزىن وسى ەلدىڭ پەرزەنتى سەزىنبەيىنشە، ونىڭ وتكەنىن ءبىلىپ، بولاشاعىنا سەنبەيىنشە، ءبىزدىڭ جۇمىسىمىز ىلگەرى باسپايدى.
***
ءبىزدىڭ جاستار ەلەسپەن ءومىر سۇرمەۋگە ءتيىس. قازاقستاننان تىس جەردە جۇماق جوق. ەش جەردە، الەمنىڭ ەشبىر ەلىندە بارىنە بىردەن يە بولۋ مۇمكىن ەمەس.
***
ەشتەڭە دە وزىنەن-ءوزى اسپاننان اياعى سالبىراپ تۇسە قالمايدى. ءوسۋ، تۇراقتى دامۋ جاعدايىنا جەتۋ ءۇشىن دە بەلگىلى ءبىر كەزەڭدەردەن ءوتۋ قاجەت...
***
قارا جامىلماڭدار، بۇل قازاقتارعا، جالپى بارشامىزعا مۇلدەم ءتان ەمەس.
***
وتكەننىڭ ونەگەسى - بۇگىنگىنىڭ باعا جەتپەس بايلىعى.
***
وتكەنگە قاراپ، ەرتەڭىڭدى تۇزە.
***
ءتول تاريحىن بىلەتىن، باعالايتىن جانە ماقتان ەتەتىن حالىقتىڭ بولاشاعى زور بولادى دەپ سەنەمىن.
***
قانداي بايلىق بولماسىن، ونىڭ ءتۇبى ءبىر سارقىلاتىنى حاق. سارقىلمايتىن، تەرەڭ بويلاعان سايىن، كەرىسىنشە، ەسەلەپ، ارتا بەرەتىن ءبىر بايلىق بار، ول - ءبىلىم...
***
ادام وقۋعا قابىلەتىن جوعالتقان كەزدەن باستاپ قارتايعاندىق بەل الادى.
***
ايقىن ماقساتسىز ادام دا، بيلىك جۇرگىزۋشى قۇرىلىم دا، قوعام دا ءومىر سۇرە المايدى.
***
جۇمىس ىستەگىسى كەلگەندەردىڭ ءبارى جۇمىس تابادى جانە ءبىر ەمەس، ەكى جۇمىس تاۋىپ، ەڭبەكاقى الۋ مۇمكىندىگى بار. تەك نيەت بولۋى كەرەك.
***
سەندەردىڭ بىلىمدەرىڭ - ول سەندەردىڭ ەڭبەكتەرىڭنىڭ ناتيجەسى.
***
سەندەر وزدىگىنەن ءبىلىم الۋعا نەعۇرلىم كوبىرەك ەڭبەكتەنسەڭدەر، سوعۇرلىم كوبىرەك بىلەتىن بولاسىڭدار.
***
مەن قازاقستاندىقتارعا، اسىرەسە جاستارعا تاعى دا ايتامىن: كىتاپ وقىڭىزدار! بۇگىندە ۇلتتىڭ باسەكەگە قابىلەتتىلىگى ونىڭ ءبىلىم دەڭگەيىنە بايلانىستى. كىتاپ ادامدى جان-جاقتى دامىتادى، وي-ورەسىن كەڭەيتەدى.
***
مەن سەندەردى ينتەرنەت الماستىرا المايتىن بەلسەندى تۇردە جان-جاقتى دامۋعا، سپورتپەن، ونەرمەن اينالىسۋعا، شەت تىلدەردى ۇيرەنۋگە، وتاندىق جانە الەمدىك ادەبيەتتىڭ تەرەڭ مۇرالارىن تانىپ-بىلۋگە شاقىرامىن.
***
قازىر قول قۋسىرىپ قاراپ وتىرۋعا بولمايدى.
***
«اۋىردىڭ ۇستىمەن، جەڭىلدىڭ استىمەن» تىرشىلىك جاساۋ بىزگە جات قىلىق بولۋى ءتيىس.
***
سەندەر، تاۋەلسىز قازاقستاننىڭ كەلەشەگى ءۇشىن تاريحي جاۋاپكەرشىلىك ارقالايتىن ازاماتسىڭدار.
***
الداعى ۋاقىتتا قازاق ەلىنىڭ تابىستى جولىن لايىقتى جالعاستىرۋ سەندەردىڭ ەنشىلەرىڭدە.
***
ەركىن ەلدىڭ ەرتەڭى - كەمەل ءبىلىم مەن عىلىمدا.
***
ءبىزدىڭ جاستارىمىز وقۋعا، جاڭا عىلىم-ءبىلىمدى يگەرۋگە، جاڭا ماشىقتار الۋعا، ءبىلىم مەن تەحنولوگيانى كۇندەلىكتى ومىردە شەبەر دە ءتيىمدى پايدالانۋعا ءتيىس.
***
... ەڭ باستىسى، ءارقايسىڭدى ءوز سالالارىڭدا الەمنىڭ ەڭ وزىق ماماندارىمەن يىق تىرەستىرىپ، قاتار تۇرا الاتىنداي دەڭگەيگە كوتەرىلۋگە شاقىرامىن.
***
جاڭا بۋىن وزگەرىستەردەن قايمىقپاي، كەرىسىنشە، ءورشىل، سەرپىندى جوبالاردى ۇسىنۋى ءتيىس.
***
وزىندىك ورتادا تۋعان، باسەكەگە قابىلەتتى تۇلعا، الدىمەن، ءوز حالقىنىڭ مادەنيەتى مەن ءتىلىن ءبىلۋى كەرەك.
***
ءبىزدىڭ قوعامدا ادال ەڭبەكتى تەرەڭ بىلىممەن ۇشتاستىرعان عانا تابىسقا جەتە الاتىنىن قاپەردەن شىعارماعان ابزال.
***
سىزدەر جاقسى ۋاقىتتا ءومىر ءسۇرىپ، بولاشاققا نىق قادام باسىپ بارا جاتقان ەلمەن بىرگە ءوسىپ كەلەسىزدەر.
***
ەل بولاشاعىنىڭ باياندى بولماعى باستا بۇلىقسىعان ءبىلىم مەن قولدا ويناعان ەڭبەككە بايلانىستى.
***
بەتالىسى كۇندە وزگەرگەن الماعايىپ دۇنيەدە ادامزات ءۇشىن ەشقاشان وزگەرمەگەن، وزگەرمەيتىن تەمىرقازىقتار بار. ول - ءبىلىم! ول - ەڭبەك!
***
كەز كەلگەن ەل ءوزىنىڭ كەلەشەگىن وسكەلەڭ ۇرپاعىمەن بايلانىستىرادى.
***
ال كەيىنگى تولقىن جاستارعا ايتارىم: سەندەر - بولاشاققا دەگەن ۇكىلى ءۇمىتىمىزدىڭ تىرەگىسىڭدەر...
***
مەن سىزدەرگە - جاڭا بۋىن قازاقستاندىقتارعا سەنىم ارتامىن. سىزدەر جاڭا باعىتتىڭ قوزعاۋشى كۇشىنە اينالۋعا تيىسسىزدەر.
Baq.kz