10:53, 29 - قاراشا 2018 | GMT +5
قوس كورەي ەلىنىڭ اراسىنا پويىز قاتىنايدى
استانا. قازاقپارات - وڭتۇستىك جانە سولتۇستىك كورەيا اراسىندا تەمىرجول قاتىناسى ورنايدى. قوس ەل الدىمەن سولتۇستىكتەگى 2 جارىم مىڭ شاقىرىمعا سوزىلعان جولدى تەكسەرىستەن وتكىزەدى.
بۇعان دەيىن وڭتۇستىك كورەيا سولتۇستىككە وتىن مەن شيكىزات تاسىمالداۋ ءۇشىن ا ق ش پەن ب ۇ ۇ تاراپىنان كەي سانكسيالاردى اينالىپ وتۋگە رۇقسات العان. ەندى تاسىمال قاتىناسىن ىسكە اسىرۋ ءۇشىن جولدىڭ تۇيىسەر جەرىن رەتكە كەلتىرۋ قاجەت. جالپى تەكسەرىس جۇرگىزۋگە بار- جوعى ەكى اپتا كەتەدى. وسىدان كەيىن پحەنيان دەكلاراتسياسىنا سايكەس، ەكى جاق جولدى جوندەۋگە كىرىسەدى. ول جۇمىستار جىلدىڭ سوڭىنا دەيىن باستالۋى مۇمكىن.
www.24.kz