سايلاۋدىڭ الدىن الا ناتيجەلەرى: گرۋزيانى العاش رەت ايەل باسقارۋى مۇمكىن

تبيليسي. قازاقپارات - 28- قاراشا كۇنى گرۋزيادا پرەزيدەنت سايلاۋىنىڭ ەكىنشى كەزەڭى ءوتتى. الدىن الا مالىمەتتەر بويىنشا، كانديدات سالومە زۋرابيشۆيلي الدا كەلەدى، دەپ حابارلايدى «قازاقپارات» ح ا ا ت ا س س اگەنتتىگىنە سىلتەمە جاساپ.

گرۋزيا ورتالىق سايلاۋ كوميسسياسىنىڭ بەيسەنبى كۇنگى مالىمەتتەرىنە سۇيەنسەك، سايلاۋ ۋچاسكەلەرىندەگى بيۋللەتەندەردىڭ %91,42 وڭدەلدى. ناتيجەسىندە، سالومە زۋرابيشۆيلي %59,55 داۋىس جيناعان. ال ونىڭ باقتالاسى گريگول ۆاشادزەنى سايلاۋشىلاردىڭ %40,45 قولداعان.

گرۋزيا ورتالىق سايلاۋ كوميسسياسى رەسمي سايتىنىڭ ارناۋلى بولىمىندەگى اقپاراتقا سايكەس، زۋرابيشۆيليگە - 1570063 ادام، ۆاشادزەگە 717942 ادام داۋىس بەرگەن.

ەسكە سالايىق، گرۋزيادا 28- قاراشا كۇنى پرەزيدەنت سايلاۋىنىڭ ەكىنشى تۋرى ءوتتى. وعان «گرۋزيا ارمانى» بيلەۋشى پارتياسىنان سالومە زۋرابيشۆيلي جانە «ءبىرتۇتاس ۇلتتىق قوزعالىس» وپپوزيتسيالىق پارتياسىنان كانديدات گريگول ۆاشادزە قاتىستى. و س ك مالىمەتتەرىنە قاراعاندا، سايلاۋشىلاردىڭ %56,23 داۋىس بەرگەن.