استانادا ەكسپەريمەنتالدى كينو كورسەتىلەدى

استانا. قازاقپارات - 28- قاراشا مەن 1- جەلتوقسان ارالىعىندا ەلوردادا قىسقا مەتراجدى ستۋدەنتتىك فيلمدەر فەستيۆالى وتەدى.

كورسەتىلىمگە بارلىق قالا تۇرعىندارى مەن قوناقتارى شاقىرىلادى، دەپ حابارلايدى استانا قالاسى اكىمدىگىنىڭ رەسمي سايتى.

ەنتۋزياست سۋرەتشىلەر توبى ۇيىمداستىرعان ءۇش كۇندىك فەستيۆال «ماسكەۋ» بيزنەس- ورتالىعىندا وتەدى. باعدارلامادا 23 فيلم بار.

«استانالىقتارعا جاستار كينوسى قىزىقتى دەگەن ويدامىز. ەرتەڭ وسى جاستاردىڭ بىرەۋى ۇلكەن ەكرانعا شىعىپ كەتەر. كىم بىلگەن؟! ولارعا قازىر قولداۋ كەرەك. ەڭ اسەرلى دەگەن فيلمدەردىڭ ءوزى دە كورەرمەن ءۇشىن تۇسىرىلەدى عوي»، - دەيدى كورمەنى ۇيىمداستىرۋشىلار.

فەستيۆال كۇندەرى: 29- قاراشا - 18:00 دە؛ 30- قاراشا - 18:00 دە؛ 1- جەلتوقسان - 18:00 دە.