بالالىق شاقتىڭ ءتاتتى ەستەلىكتەرى ءومىردى ۇزارتادى

 استانا. قازاقپارات - «بالالىق كەزى، اسىرەسە، اتا- اناسىمەن قاتىناسى تۋرالى جاعىمدى ەستەلىكتەرى بار ادامنىڭ دەنساۋلىعى قۇرداستارىنا قاراعاندا جاقسىراق بولادى. ولار دەپرەسسياعا جانە سوزىلمالى اۋرۋلارعا سيرەك شالدىعادى. »، - دەپ حابارلادى امەريكالىق پسيحولوگيا قاۋىمداستىعى.

زەرتتەۋ جەتەكشىسى ۋيليام دج. چوپيكتىڭ ايتۋىنشا، بالالىق كەز تۋرالى جاقسى ەستەلىكتەردىڭ دەنساۋلىققا جانە پسيحيكالىق جاعدايعا پايداسى بۇرىننان دالەلدەنىپ قويعان. بالالىق شاعىندا ءبارى جاقسى بولعان ەرەسەكتەر ۇيلەسىمدى جەكە ءومىرىن قۇرا الادى، ولار جوعارى ەڭبەك ونىمدىلىگىمەن ەرەكشەلەنەدى، پسيحولوگيالىق بەلسەندى ونىمدەردى قولدانبايدى جانە دەپرەسسياعا ءجيى ۇشىرامايدى. ۋيليام چوپيك ميچيگان ۋنيۆەرسيتەتىنىڭ دوكتورى روبين ەدەلشتەينمەن بىرگە جاسى ۇلعايعان ادامدار اراسىندا وسىعان ۇقساس زەرتتەۋ جۇرگىزىپ، بالالىق شاقتىڭ جاعىمدى ەستەلىكتەرىنىڭ پايداسىنا تاعى دا كوز جەتكىزگەن.

 زەرتتەۋشىلەر  22000 قاتىسۋشىسى بار ەكى توپقا اناليز جاساعان. 1-توپتا 40 جاستاعى ادامدار بولسا، 2-توپتا 50 جاستان اسقان ادامدار بولدى. زەرتتەۋشىلەر بۇل توپتاعى ادامداردى 18 -جىل بويى باقىلايدى. قاتىسۋشىنىڭ اتا- اناعا جاقىندىعى، جالپى دەنساۋلىق جاعدايى جانە دەپرەسسيا بەلگىسىنىڭ بار- جوعىنا بايلانىستى ساۋالناما ءجۇرىپ تۇراتىن. زەرتتەۋ بارىسىندا بالا كەزىندە اناسىنا جاقىنىراق بولعان ەكى توپتىڭ دا قاتىسۋشىلارى وزدەرىن (دەنساۋلىعى جاعىنان) جاقسى سەزىنگەن جانە ولاردا دەپرەسسيا بەلگىلەرى از بولعان. اكەسىنىڭ قامقورلىعى تۋرالى ەسكە العانداردا دا دەپرەسسيانىڭ بەلگىلەرى از بولعان. الايدا، اناسىنىڭ ەركە بالاسى، سۇيىكتىسى بولعانداردىڭ پسيحولوگيالىق دەنساۋلىعى ۇلعايعان جاسىندا دا جاقسى بولىپ قالعان. اتا- انا مەن بالا اراسىنداعى جاقىن بايلانىستىڭ وڭ اسەرى ءسوزسىز، دالەلدەنگەن. قامقورلىق پەن تۇسىنىستىك، بالامەن جاقسى قاتىناس - ءسىزدىڭ اتا- انا رەتىندە بالاعا بەرە الاتىن ەڭ جاقسى سىيلىعىڭىز.

Massaget.kz