قارسىلاسىن تەك نوكاۋتقا تۇسىرەتىن ارمان رىسبەك ەندى كىممەن ايقاسادى

استانا. قازاقپارات - قازاقستاندىق ەكىنشى ورتا سالماقتاعى بوكسشى ارمان رىسبەك (5-0، 4 ك و) كەلەسى جىلدىڭ باسىندا ءوزىنىڭ كەزەكتى ايقاسىن وتكىزەدى، دەپ حابارلايدى Sports.kz.

BoxRec.com سايتىنىڭ اقپاراتى بويىنشا، بوكس كەشى 18 -قاڭتاردا (قازاقستاندا 19 -قاڭتار، تاڭەرتەڭ) سان-بەرناردينو قالاسىنداعى (ا ق ش، كاليفورنيا شتاتى) Club Events Center- دا وتەدى. جەكپە-جەك ءتورت راۋندقا جوسپارلانعان، ءبىزدىڭ وتانداسىمىزدىڭ قارسىلاسى ازىرگە بەلگىسىز. بۇل رىسبەكتىڭ ا ق ش اۋماعىنداعى ەكىنشى ايقاسى. بۇعان دەيىن ول ەكى رەت ءوز وتانىندا جانە ەكى رەت ارگەنتينادا بوكستاسقان.

ارمان سوڭعى رەت رينگكە 15 -قىركۇيەكتە اقتوبەدەگى بوكس كەشى اياسىندا شىقتى. وندا ول ءۇشىنشى راۋندتا تەحنيكالىق نوكاۋتپەن وزبەكستان وكىلى دميتري انتيپوۆتى (1-15) جەڭگەن ەدى.