پرەزيدەنت اجىراسۋ جايىندا: قىزدار ءوز ءرولىن، جىگىتتەر جاۋاپكەرشىلىك ەكەنىن بىلمەيدى
«الاتاڭداتارلىق ماسەلەنىڭ ءبىرى - بۇل اجىراسۋ. 1 ميلليون 500 مىڭ نەكە قيىلىپ، 25-30 پايىزى اجىراسقان. نەلىكتەن اجىراسىپ جاتىر؟ سەبەبى ءبىز بالالاردى مەكتەپتە جوعارى سىنىپتان باستاپ، ەركەك پەن ايەلدىڭ تىلدەسۋى، ەسەيۋى تاقىرىبىن وقىتپايمىز. قالاي جۇكتى بولادى؟ نە پايدا بولادى؟ ءبىز قازاقتار ونى ۇيات كورەمىز. باسقا ەلدەردە 14-15 جاستاعى بالاسىن، قىزدارىن ومىردە مىناداي بولادى، بايقاڭدار دەپ ۇيرەتەدى. ءبىز ۇيات دەپ سانايمىزدا، ودان ناعىز ۇياتقا قالامىز. سوندىقتان پسيحولوگيانى وزگەرتۋ قاجەت»، - دەدى ەلباسى.
مەملەكەت باسشىسىنىڭ اتاپ وتۋىنشە، اجىراسۋدىڭ سەبەپتەرى وتە كوپ. بىرەۋلەرى اتا-انالارمەن سىيىسپاسا، ەندى بىرەۋلەرى باسپانا جوقتىقتان، ەندى ءبىرى اقشانىڭ جەتىسپەۋشىلىگىنەن اجىراسىپ جاتادى.
«ال ەڭ باستىسى جاستار دايىندىقسىز وتباسىن قۇرادى. قىزدار ءوز ءرولىن بىلمەيدى، جىگىتتەر مۇنىڭ ۇلكەن جاۋاپكەرشىلىك ەكەنىن سەزىنبەيدى. ەگەر سەن وتباسىڭدى قامتاماسىز ەتە الماساڭ، جۇمىس ىستەمەسەڭ، ءبىلىم الماساڭ، وندا وتباسىن قۇرا المايسىڭ. مۇنى ولارعا بىرەۋ ايتا ما؟ كىم ايتۋى قاجەت؟ مۇنى مەكتەپ قابىرعاسىنان باستاعان ءجون»، - دەدى نۇرسۇلتان نازاربايەۆ.