كەلەر جىلى قازاقستاندىق جۇرگىزۋشىلەر جاڭا قۇجات الۋى ءتيىس
«كولىك قۇرالىنىڭ ەلەكتروندى پاسپورتىن كولىكتىڭ تۋۋ تۋرالى كۋالىگى دەپ ايتۋعا بولادى. وندا بارلىق تەحنيكالىق مالىمەت ەنگىزىلەدى - شىققان جىلى، كولەمى، قوزعالتقىش كولەمى، سونداي- اق، كولىك يەسى جايلى مالىمەتتەر، تەحنيكالىق تەكسەرىستەن ءوتۋ نەمەسە وتپەۋى، جول اپاتىنا ءتۇستى مە، جوق پا (تۇسكەن جاعدايدا جول اپاتىنىڭ مەرزىمى، ۋاقىتى، كولىكتىڭ قانشالىقتى بۇلىنگەنى) جانە قانداي جوندەۋدەن وتكەنى جايلى بارلىق مالىمەت قامتىلادى»، - دەيدى باسىلىمداعىلار.
ق ر ينۆەستيتسيالار جانە دامۋ مينيسترلىگىندەگىلەردىڭ مالىمەتىنشە، كولىك قۇرالىنىڭ ەلەكتروندى پاسپورتى ەۋرازيا ەكونوميكالىق وداعىنىڭ بۇكىل اۋماعىندا جارامدى بولادى. سونداي- اق، بۇل قۇجاتتى شامامەن 4500 تەڭگەگە راسىمدەۋگە بولاتىنى ايتىلادى. ال پاسپورتقا قانداي دا ءبىر وزگەرىس ەنگىزۋ ءۇشىن جۇرگىزۋشى شامامەن 3300 تەڭگە تولەۋى ءتيىس بولادى. مينيسترلىكتەگىلەردىڭ ايتۋىنشا، قازىرگى ۋاقىتتا ساتىپ الۋشىلارعا دا كولىك جايلى مالىمەت بەرۋ مۇمكىندىگى قاراستىرىلىپ جاتىر. ءبىراق ول قىزمەت ءتۇرى اقىلى بولۋى دا مۇمكىن ەكەن.
www.24.kz