الداعى تاۋلىكتەردە كۇن كۇرت سۋىتادى

استانا. قازاقپارات - الداعى ءۇش تاۋلىكتە قازاقستاننىڭ باسىم بولىگىندە كۇن سۋىتادى. بۇل تۋرالى قازاقپارات قازگيدرومەتكە سىلتەمە جاساپ حابارلايدى.

سينوپتيكتەردىڭ مالىمەتىنشە، بۇل وڭتۇستىك-باتىس تروپوسفەرالىق اعىنداردىڭ سولتۇستىك-باتىسقا اۋىسىپ، بارەنتس تەڭىزى جاقتان اركتيكالىق اۋا ماسسالارىن اكەلەتىنىمەن بايلانىستى.

كۇن سۋىتار الدىندا قارا تەڭىز تسيكلونى مەن ونىمەن بايلانىستى اتموسفەرالىق اعىندار رەسپۋبليكانىڭ سولتۇستىگىنە قاراي جىلجيدى.

ناتيجەسىندە قار، بۇرقاسىن، باتىستان قاتتى جەل سوعىپ، وڭتۇستىكتە تۇمان ءتۇسىپ، كوكتايعاق بولادى.