قىتايدا قوناق ۇيدە ايەل زورلاعان ەر ادامدى ۋلى جىلاندار شاعىپ ءولتىردى

 الماتى. قازاقپارات - قىتايدىڭ فۋجوۋ قالاسىندا ۋلى جىلانمەن قورقىتىپ، ايەل ادامدى زورلاعان ەر ادامدى جىلانى شاعىپ ولتىرگەن.

بۇل تۋرالى lenta.ru سايتىنا سىلتەمە جاساعان NUR. KZ حابارلايدى.

وقيعا 21- قاراشا كۇنى تسزيانسي پروۆينتسياسىنىڭ فۋجوۋ قالاسىندا بولعان.

فان قوناق ءۇي بولمەسىنە ايەل ادامدى الداپ شاقىرىپ، ءۇش جىلانمەن قورقىتىپ، وزىمەن جىنىستىق قاتىناسقا تۇسۋگە ماجبۇرلەگەن. جىلاننان قورىققان كەلىنشەك كەلىسۋگە ءماجبۇر بولىپتى.

سودان كەيىن ايەل ادام پوليتسيا بولىمشەسىنە ارىزدانۋعا بارعان، ال فان جىلاندارىمەن ويناۋ ءۇشىن جۋىناتىن بولمەگە كەتىپتى.

قوناق ۇيگە كەلگەن پوليتسيا قىزمەتكەرلەرى توسەكتە جاتقان ەر ادامنىڭ ءمايىتىن تاپقان. ونىڭ دەنەسىنەن جىلاننىڭ تىستەگەن ىزدەرى انىقتالعان. ەر ادام جەدەل جاردەمگە حابارلاسپاعان.

سونداي-اق، جىلاندارىنىڭ بىرەۋى بولمەدەن شىعىپ كەتىپ، پوليتسەيلەر ونى ۇستاۋعا ءماجبۇر بولعان. ولاردىڭ اراسىندا اسا ۋلى كوپ جولاقتى كرايت تا بار ەكەن.

قازىر پوليتسەيلەر ايەل زورلاۋ ءىسى بويىنشا تەرگەۋ جۇرگىزە باستاعان.