ا ق ش- تا الاياقتىق كۇدىگىنە ىلىككەن ەكى ازاماتتىڭ قازاقستانعا قاتىسى بار ما

استانا. قازاقپارات - نيۋ- يوركتەگى قازاقستان رەسپۋبليكاسىنىڭ باس كونسۋلدىعى ا ق ش بيلىگى سىرتتاي ايىپ تاعىپ وتىرعان ەۆگەني تيمچەنكو مەن سەرگەي وۆسياننيكوۆتىڭ ءبىزدىڭ ەلگە قاتىستىلىعىن تەكسەرىپ جاتىر. بۇل تۋرالى ق ر سىرتقى ىستەر مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

نيۋ- يورك شتاتى شىعىس وكرۋگى پروكۋراتۋراسىنىڭ مالىمەتىنشە، قازاقستاننىڭ ەكى ازاماتى ونداعان ميلليون ا ق ش دوللارى سوماسىندا كيبەرالاياقتىق جاسادى دەگەن كۇدىككە ىلىكتى.

ەۆگەني تيمچەنكو مەن سەرگەي وۆسياننيكوۆ، سونداي- اق رەسەيدىڭ التى ازاماتى ينتەرنەت- جارناما الاياقتىعى، اقشانى جىلىستاتۋ، جەكە مالىمەتتەردى ۇرلاۋ جانە قوماقتى سوماعا شىعىن كەلتىرۋ كۇدىگى بويىنشا ايىپتالۋدا.

شىعىس وكرۋگى پروكۋراتۋراسىنىڭ قۇجاتىندا وۆسياننيكوۆ بيىل قازاندا مالايزيادا تۇتقىندالعانى اتاپ وتىلگەن. ال تيمچەنكو اعىمداعى ايدا ەستونيادا ۇستالدى. تاعى ءبىر كيبەرالاياق بولگاريادا قۇرىقتالدى. وسى ۇشەۋى دە ا ق ش سۇراۋى بويىنشا ۇستالىپ، ەكستراديتسيالانادى. سونىمەن قاتار قالعاندارىنا ىزدەۋ جاريالاندى.

ا ق ش بيلىگىنىڭ حابارلاۋىنشا، اتالعان ازاماتتار زاڭسىز جولمەن اۆتوماتتاندىرىلعان ەكى كومپيۋتەرلىك جەلى ارقىلى ينتەرنەتتەگى جارناما ءۇشىن تابىس الىپ كەلگەن. جالپى، اۆتوماتتاندىرىلعان جەلىلەرمەن ولار 36 ميلليون ا ق ش دوللارى كولەمىندە قارجى العان.

اۆتور: رۋسلان عابباسوۆ