دەلتاپلانمەن ۇشقان ءتۋريستىڭ ءولىم اۋزىنان قالعان ءساتى ۆيدەوعا ءتۇسىپ قالعان

 استانا. قازاقپارات - فلوريدا قالاسىنىڭ تۇرعىنى زايىبىمەن بىرگە ساياحاتقا شىققان تۋريستىك ساپارى كەزىندە ومىرىندە العاش رەت دەلتاپلانمەن ۇشىپ كورمەككە نيەتتەنگەن.

جەرگىلىكتى گيدكە وسى تىلەگىن ايتىپ، قىزمەت ءۇشىن اقشاسىن تولەگەن سوڭ، ول شۆەيتساريادا ءالپى تاۋىنىڭ ۇستىمەن، تەڭىز دەڭگەيىنەن 1200 مەتر بيىكتىكتەن ۇشۋعا بەل بۋعان.

ەر ادام اۋەگە كوتەرىلگەن سوڭ، ۇشقىشتىڭ ساقتاندىرۋ جۇيەسىن بەكىتپەگەنىن ءبىر- اق بىلگەن. youtube- جاريالانعان ۆيدەودا ميستەر گۋرسكي قالاي ۇشقانى، ونىڭ تومەن قاراي قۇلاي باستاعانى كورىنەدى.

ۇشقىشتىڭ كومەگىمەن ول دەلتاپلانعا 2 مينۋت، 14 سەكۋند ۋاقىت ءىلىنىپ تۇردى. اقىرى ۇشۋ قۇرالى شۇعىل تۇردە تومەندەتىلگەن. ابىروي بولعاندا، بۇل كەزدە جەرگە جاقىن قالعان ەدى. قولدارى تالعان تۋريست جەرگە قۇلاپ ءتۇستى.

 ميستەر گۋرسكيدىڭ قولدارى مەن بىلەك بۋىنى جاراقاتتانعان. دارىگەرلەر وعان تيتان پلاستيناسىن سالدى.