ەلىمىزدەگى ەڭ ۇزدىك قازاق ءتىلدى ينتەرنەت سايتتار انىقتالدى
بايقاۋعا عالامتور كەڭىستىگىندەگى تاجىريبەسى كەمىندە ءبىر جىلدى قۇرايتىن، قازاق تىلىندە اقپارات تاراتاتىن ۇكىمەتتىك ەمەس، تاۋەلسىز قوعامدىق سايتتار قاتىستى. قازىلار القاسى سايتتاردى مازمۇنى، قىزمەت باعىتى، ينتەراكتيۆتىلىگى، قازاق ءتىلى مەن ۇلتتىق قۇندىلىقتاردىڭ دارىپتەلۋى، پاتريوتتىق تاقىرىپتاردىڭ ۇزدىكسىز كوتەرىلۋى، كوركەمدىگى، يدەيا ەرەكشەلىگى، تارتىمدىلىعى سەكىلدى تالاپتار بويىنشا سارالادى.
سايىسقا رەسپۋبليكانىڭ بارلىق ايماقتارىنان 30-عا جۋىق ءوتىنىم كەلىپ تۇسكەن. سونىڭ ىشىنەن 17 سايت ىرىكتەۋ كەزەڭىنەن ءوتىپ، ونىڭ 8 ى ءتۇرلى نوميناتسيالار بويىنشا جەڭىمپاز اتاندى.
شارا ماقساتى - ينتەرنەت جۇيەسىندەگى ۇزدىك قازاق ءتىلدى رەسۋرستاردى انىقتاۋ مەن ناسيحاتتاۋ جانە ينتەرنەت رەسۋرستاردىڭ سانى مەن ساپاسىن جاقسارتۋعا ۇلەس قوسىپ جۇرگەن وتاندىق قازاق ءتىلدى سايتتاردى قولداۋ.
«ءبىزدىڭ قور قوعامدىق ماڭىزى بار جوبالارعا ۇنەمى قولداۋ كورسەتىپ كەلەدى. بۇل بايقاۋ انا ءتىلىمىزدىڭ قازىرگى ينتەرنەت تىلىمەن سويلەۋىنە مۇمكىندىك بەرەدى. بايقاۋعا قاتىسۋشىلاردىڭ سانى جىل ساناپ ارتىپ وتىر. وسىمەن ءۇشىنشى جىل ۇيىمداستىرىلىپ وتىرعان باسەكەگە 100-دەن استام قازاق ءتىلدى سايت قاتىستى. ۇزدىك اتانعان سايتتار قازاق ءتىلىنىڭ عانا ەمەس، ەلىمىزدە ءتۇرلى ناقتى جوبالاردى جۇزەگە اسىرۋعا ۇلەس قوسادى دەپ سانايمىن»، - دەدى ق ر تۇڭعىش پرەزيدەنتى - ەلباسى قورى اتقارۋشى ديرەكتورىنىڭ كەڭەسشىسى ءاليا قايشاروۆا.
سونىمەن، «وتكىر ءتىل» اتالىمى بويىنشا - www.silteme.kz پورتالى، «رۋحاني ازىق» اتالىمى بويىنشا - www.sal-seri.kz پورتالى، «شىنايى ءومىر» اتالىمى بويىنشا - www.qazir.kz پورتالى، «سپورت تىنىسى» اتالىمى بويىنشا - www.argymaq.kz پورتالى، «ءبىلىم بۇلاعى» اتالىمى بويىنشا - www.ەرۋديت.kz پورتالى، «جاستار الەمى» اتالىمى بويىنشا - www.univerlife.kz پورتالى، «ايماق ايناسى» اتالىمى بويىنشا - www.mediaon.kz پورتالى، «بالالارعا بازارلىق» اتالىمى بويىنشا - www.dapter.kz پورتالى ۇزدىك ينتەرنەت-سايت اتاندى.
