لەونيد پروكوپەنكو: اتىراۋ - قازاق جەرىنىڭ جۇرەگى

 اتىراۋ. قازاقپارات - قازاقستان حالقى اسسامبلەياسىنىڭ «قازاق تانۋ» اۋقىمدى جوباسىن جۇزەگە اسىرۋ اياسىندا اتىراۋدا تەاترلاندىرىلعان كونسەرتتىك باعدارلاما ۇيىمداستىرىلدى.

 ونى 1500 دەن استام كورەرمەن تاماشالاپ، 1 مىڭعا جۋىق ادام قاتىستى، دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.

جوبانىڭ باستى ماقساتى - بارلىق قازاقستاندىقتاردىڭ ءبىرتۇتاس قۇندىلىقتارىنىڭ جانە جالپى ۇلتتىق تاريحي ساناسىنىڭ نەگىزىندە حالىق بىرلىگىن نىعايتۋ.

 شاراعا حالقى اسسامبلەياسى ءتوراعاسىنىڭ ورىنباسارى - حاتشىلىق مەڭگەرۋشىسى لەونيد پروكوپەنكو، اتىراۋ وبلىسىنىڭ اكىمى نۇرلان نوعايەۆ، قازاقستان حالقى اسسامبلەياسىنىڭ، انالار كەڭەسىنىڭ مۇشەلەرى، كورنەكتى قوعام قايراتكەرلەرى، ق ح ا عىلىمي- ساراپشىلىق كەڭەسى مەن ەتنومادەني بىرلەستىكتەردىڭ مۇشەلەرى، مەملەكەتتىك ورگاندار مەن رەسپۋبليكالىق جاستار بىرلەستىكتەرىنىڭ، جوعارى وقۋ ورىندارىنىڭ، قوعامدىق كەلىسىم كەڭەستەرىنىڭ وكىلدەرى، قوعام قايراتكەرلەرى، جازۋشىلار جانە ب ا ق قاتىستى.

ايتا كەتۋ كەرەك، اتىراۋ وبلىسىندا 80 نەن استام ۇلت پەن ۇلىس وكىلدەرى تۇرادى، 20 دان استام ەتنومادەني بىرلەستىك جۇمىس ىستەيدى. شاراعا قاتىسۋشىلار «قازاق تانۋ» جوباسى ەتنوسارالىق كەلىسىمنىڭ ۇيلەسىمدى بولۋىنا ىقپال ەتەتىن قۇرالعا اينالعانىن اتاپ ءوتتى.

 بۇل پىكىردى شارادا ءسوز العان ايماق باسشىسى نۇرلان نوعايەۆ تا قۋاتتادى:

- بۇل اۋقىمدى جوبا ءبىزدىڭ ءتىلىمىز بەن ءدىلىمىز، ءدىنىمىز بولەك بولعانىنا قاراماستان، ماقساتتارىمىز ورتاق ەكەنىن تاعى دا ايقىنداپ بەردى. مەملەكەت باسشىسىنىڭ حالىقتىڭ ءال- اۋقاتىن كوتەرۋگە قاتىستى قويعان مىندەتتەرىن اتقارۋعا دايىنبىز. بۇگىندە قازاقستاندا بەيبىتشىلىك، كەلىسىم مەن تۇراقتىلىق بار. بۇل ءبارىمىزدىڭ ەڭبەگىمىز. ءبىز مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ اياسىندا ۇلتتىق قۇندىلىقتاردى نىعايتۋ ءۇشىن بارلىق كۇش- جىگەرىمىزدى بىرىكتىرەمىز» ، - دەدى اتىراۋ وبلىسىنىڭ اكىمى.

ايتا كەتۋ كەرەك، قازاقستان حالقى اسسامبلەياسىنىڭ «قازاق تانۋ» جوباسى اسسامبلەيانىڭ مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن ىسكە اسىرۋ اياسىندا قوسقان ۇلەسى. بۇل بىرەگەي جوبا قازاقتىڭ باي مادەنيەتىنە، تاريحى مەن داستۇرىنە تەرەڭ بويلاپ، كوشپەندى حالىقتىڭ كوپ عاسىرلىق فيلوسوفياسىن تۇسىنۋگە مۇمكىندىك بەرەدى.

 

- 2018 -جىلى جوبامىز اتىراۋدا اياقتالاتىنىنا قۋانىشتىمىن، سەبەبى اتىراۋ - قازاق جەرىنىڭ جۇرەگى. مۇندا باعزى داستۇرلەر بەرىك ساقتالعان، سارايشىق قالاشىعى ورنالاسقان كيەلى مەكەن. بۇل - پرەزيدەنت «ۇلى دالانىڭ جەتى قىرى» ماقالاسىندا اتاپ كورسەتكەن ءبىزدىڭ تاريحىمىز. ماقساتىمىز - جوبا اياسىندا ورتاق تاريحي سانا قالىپتاستىرۋ بولاتىن، وسى ماقسات ورىندالدى، - دەدى لەونيد پروكوپەنكو.

ايتا كەتەيىك، شارالار لەگى قازاقستان حالقى اسسامبلەياسى ۇيىمداستىرعان «قايىرىمدىلىق كەرۋەنى» جوباسى شەڭبەرىندە مەتسەناتتار فورۋمىمەن قورىتىندىلاندى. ەڭ ۇزدىك قايىرىمدىلىق ۇيىمدارى، دونورلار مەن مەتسەناتتار مەملەكەت باسشىسى بەكىتكەن «جومارت جان» توسبەلگىسىنە يە بولدى. قايىرىمدىلىقتى دامىتۋعا، بيزنەستىڭ الەۋمەتتىك جاۋاپكەرشىلىگىن، قوعامدىق كومەك بەرۋ مادەنيەتىن دارىپتەۋگە ۇلەس قوسىپ جۇرگەن 32 مەتسەنات «جومارت جان» توسبەلگىسىمەن جانە 11 مەتسەنات العىس حاتپەن ماراپاتتالدى.