ءابليازوۆ بانكير تاتىشەۆتى ولتىرگەنى ءۇشىن ءومىر بويىنا سوتتالىپ كەتتى

استانا. قازاقپارات - تارازدا ەرجان تاتىشەۆتىڭ ولىمىنە قاتىستى مۇحتار ابليازوۆكە سوت ۇكىمى جاريالاندى.

سۋديا كەنجەعالي كەنجەبەكوۆ ونى ءومىر بويى باس بوستاندىعىنان شەكتەپ، جازاسىن قاتاڭ رەجيمدەگى كولونيادا وتەۋ تۋرالى شەشىم شىعارعان دەپ حابارلايدى NUR. KZ.

مەملەكەتتىك ايىپتاۋشى ابليازوۆكە ءدال وسى جازانى سۇراپ، وعان جۇمساقتىق تانىتۋعا ەشقانداي نەگىز جوقتىعىن ايتقان بولاتىن.

ايىپتالۋشى ب ا ق ارقىلى سوتقا شاقىرتىلعانىمەن، ول سوت وتىرىسىنا سول بويى كەلگەن جوق.

ءبىر جارىم اي ىشىندە سوت تورەشىسى 60 كۋاگەردىڭ جاۋابىن تىڭدادى. سوت پروتسەسىنە ۇلتتىق قاۋىپسىزدىك كوميتەتىنىڭ بۇرىنعى ءتوراعاسى نارتاي دۇتبايەۆ پەن شىنى كورولى مۇراتحان توقمادي دە قاتىستى.

ول تاتىشەۆتى ءابليازوۆتىڭ تاپسىرماسى بويىنشا قاساقانا ولتىرگەنىن مويىنداعان.