استانادا ازاماتتىق فورۋم باستالدى
«بۇل فورۋمنىڭ ماڭىزى بولەك. ءبىز وسىندا ەلىمىز قانداي باعىت- باعداردا كەلە جاتىر سول ماسەلەلەردى تالقىلاۋعا جينالدىق. مەن وسى فورۋمدى ۇيىمداستىرۋشىلار - ازاماتتىق اليانس باسشىلىعىنا العىس ايتقىم كەلەدى. البەتتە، ازاماتتىق فورۋم جىلىنا ەكى مارتە وتكىزىلگەنىمەن، بۇل جولعى شارانىڭ ەرەكشەلىگى مەملەكەت باسشىسىنىڭ قاتىسۋى. ەكىنشىدەن، وسى جيىندا ەندىگى ۋاقىتتا قالاي ءومىر سۇرەمىز دەگەن سۇراققا جاۋاپ ىزدەيمىز. ازاماتتىق قوعامنىڭ جانە ۇكىمەتتىك ەمەس سەكتوردىڭ دامۋى دا وسىندا تالقىلانادى. ءبىز بەلگىلى ءبىر نورماتيۆتى قۇقىقتىق قۇجاتتى قابىلداماس بۇرىن نەمەسە بەلگىلى ءبىر ساياسي شەشىمگە كەلمەس بۇرىن سىزدەردىڭ (ۇ ە ۇ مۇشەلەرىنە) پىكىرلەرىڭىزدى بىلسەك دەپ ەدىك»، - دەدى فورۋمنىڭ اشىلۋىندا قوعامدىق دامۋ ءمينيسترى دارحان كالەتايەۆ.
ايتا كەتەرلىگى، قاراشانىڭ 27-28 - كۇندەرى وتەتىن VІІІ ازاماتتىق فورۋمدى وتكىزۋ ارقىلى ۇكىمەتتىك ەمەس ۇيىمدار، مەملەكەتتىك ورگاندار، بيزنەس- سەكتورلاردىڭ وكىلدەرى كۇن تارتىبىندەگى وزەكتى ماسەلەلەردى شەشۋدە ورتاق تاسىلدەردى قۇرۋدى كوزدەپ وتىر. قوعامدىق دامۋ ۆيتسە- ءمينيسترى سەرگەي كونوۆالوۆتىڭ ايتۋىنشا، VІІІ ازاماتتىق فورۋمنىڭ كۇن تارتىبىندەگى نەگىزگى ماسەلەسى - ازاماتتىق قوعامدى دامىتۋدىڭ 2020-2025 -جىلدارعا ارنالعان تۇجىرىمداما جوباسىن تالقىلاۋ. فورۋم جۇمىسىنا 850 ادام قاتىسادى. شارا بارىسىندا الەۋمەتتىك (ق ر ب ع م، د س م، ەڭبەك جانە حالىقتى الەۋمەتتىك قورعاۋ مينيسترلىگى) جانە ەكونوميكالىق سالاعا جاۋاپتى مينيسترلەرمەن (ق م، ۇ ە م، ا ش م)، قۇقىق قورعاۋ ورگاندارىنىڭ وكىلدەرىمەن قوعامنىڭ وزەكتى ماسەلەلەرى تالقىلانادى.
اۆتور: ايان بەكەن ۇلى