قازاقستان ازوۆ تەڭىزىندەگى شيەلەنىستى ودان ارى ۋشىقتىرماۋعا شاقىردى
«قازاقستان ازوۆ تەڭىزىندە ورىن العان جايتقا بايلانىستى الاڭداۋشىلىق تانىتادى. كەرچ بۇعازى ارقىلى ازاماتتىق كەمەلەردىڭ ءوتۋىنىڭ قايتا جاڭعىرۋىن قولدايمىز. ءبىز تاراپتاردى بارىنشا جاۋاپكەرشىلىك تانىتىپ، جاعدايدىڭ ودان ارى ۋشىعۋىنا جول بەرمەۋگە شاقىرامىز. ەڭ الدىمەن مۇنداي جايتتاردىڭ الدىن الۋ جانە رەتتەۋ تەتىكتەرى قاجەت»، - دەدى ايبەك سمادياروۆ.
سونىمەن قاتار س ءى م وكىلى ەكى تاراپتىڭ اراسىندا سەنىمدى قالپىنا كەلتىرۋ قاجەتتىگىنە باسا نازار اۋداردى.
«ب ۇ ۇ قاۋىپسىزدىك كەڭەسى بۇگىن كەڭەستەر بارىسىندا ورىن العان جايتتى تالقىلاماق. قازاقستان ءوز كەزەگىندە ازوۆ تەڭىزىندەگى جاعدايدى ودان ارى ۋشىقتىرماۋعا باعىتتالعان ۇسىنىستاردى قولدايتىن بولادى»، - دەدى ايبەك سمادياروۆ.
بۇعان دەيىن حابارلاعانىمىزداي، ۋكراينا مەن رەسەيدىڭ وتىنىشىمەن ب ۇ ۇ قاۋىپسىزدىك كەڭەسىنىڭ شۇعىل وتىرىسى وتەدى.
ەسكە سالساق، رەسەي شەكاراشىلارى قارا تەڭىزدە ۋكراينا اسكەري- تەڭىز كۇشتەرىنىڭ «بەرديانسك»، «نيكوپول» جانە «يانى كاپۋ» كەمەلەرىن ۇستادى. ر ف فەدەرالدىق قاۋىپسىزدىك قىزمەتىنىڭ قوعاممەن بايلانىس ورتالىعى مالىمەتىنشە، ۋكراينالىق كەمەلەر رەسەيدىڭ تەرريتوريالدىق تەڭىز اۋماعىندا «زاڭسىز ارەكەت جاساماق بولعان» جانە قوزعالىستى دەرەۋ توقتاتۋ تۋرالى تالاپتاردى ورىنداماعان.
ال ۋكرينفورم اقپاراتىنا سايكەس رەسەيلىك اسكەريلەر كەرچ بۇعازىندا ۋكراينا اسكەري تەڭىز كۇشتەرىنە تيەسىلى ءۇش كەمەنىڭ قوزعالىسىنا توسقاۋىل قويىپ، ولارعا وق جاۋدىرعان.