ەلىمىزدىڭ ەڭ سۇلۋ ارۋى ەرەكشە كويلەگىمەن بۇكىل الەمدى تاڭ قالدىرماقشى
بويجەتكەن فينالعا بۇرىنعى ۇمىتكەرلەر سەكىلدى ۇلتتىق كيىم ەمەس، مەملەكەتتىك ءرامىز بەينەلەنگەن كوستيۋممەن شىعادى دەپ حابارلايدى ك ت ك ارناسى.
17-جەلتوقساندا تايلاند استاناسى - بانگكوكتا وتەتەتىن سۇلۋلىق بايقاۋىنا بارىن سالىپ دايىندالىپ جاتقان ارۋ ەرەكشە كوستيۋمدە ءوزىن تۇمار پاتشايىم سياقتى سەزىنەتىنىن ايتادى.
ەلىمىزدىڭ كوك تۋىن كيىم ەتىپ شىعارۋدى ديزاينەر ويلاپ تاۋىپتى. كۇن مەن ونىڭ شۇعىلاسى بويجەتكەننىڭ ارقاسىنا بەكىتىلگەن. ال قىزدىڭ ءوزى قىران مەن «التىن ادام» كەيپىندە.
باس كيىمى مەن ەتىگىنە دەيىن اسىل تاستار تىگىلگەن ءسابينا ازىمبايەۆا ساق جاۋىنگەرىنە ۇقساپ قالعان.
سانگەر كاميلا باحتىڭ ايتۋىنشا، كيىمدەگى تاستار قولمەن جەكە-جەكە تىگىلىپ، بەزەندىرىلگەن. اسىرەسە، باس كيىمدى جاساۋعا ۇزاق ۋاقىت كەتىپتى. ەندى كوستيۋدى ۇيالماي بۇكىل الەمگە كورسەتۋگە بولادى دەپ وتىر.
ايتا كەتەيىك، حالىقارالىق بايقاۋدا ءسابينا ازىمبايەۆا ساحناعا بۇدان بولەك 27 كويلەك كيىپ شىقپاق.