قازاقستاندا ءتورت سپورت ءتۇرىنىڭ باسىن بىرىكتىرگەن جاڭا قاۋىمداستىق قۇرىلدى
بۇگىن «Rixos» قوناق ۇيىندە وليمپيادالىق ەمەس سپورت تۇرلەرى بويىنشا رەسپۋبليكالىق فەدەراتسيالاردىڭ قاتىسۋىمەن وتىرىس ءوتتى. شارا ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ توراعالىعىمەن ۇيىمداستىرىلدى.
كەڭەستە وليمپيادالىق ەمەس سپورت تۇرلەرى بويىنشا بارلىق رەسپۋبليكالىق فەدەراتسيالاردى ءبىر قاۋىمداستىق اياسىنا جيناۋ ماسەلەسى قارالدى. كەزدەسۋگە رەسپۋبليكا بويىنشا اككرەديتتەلگەن 20 فەدەراتسيا وكىلى كەلدى.
«شارا بارىسىندا قاۋىمداستىقتىڭ پرەزيدەنتى سايلانىپ، باسشى قۇرامى بەكىتىلدى. ورتاق شەشىممەن ۇيىم پرەزيدەنتى بولىپ كارىم ءماسىموۆ سايلاندى. ال قاۋىمداستىق پرەزيدەنتىنىڭ ءبىرىنشى ورىنباسارى قىزمەتىنە ءانۋار سادىقۇلوۆ تاعايىندالدى. باس حاتشى مىندەتىن فارحات امانقۇلوۆ اتقارسا، سونىمەن قاتار، ۇيىمنىڭ ۆيتسە-پرەزيدەنتتەرى بولىپ نۇرلان ەرمەكبايەۆ، ءراپىل جوشىبايەۆ، ءتاجىمۇرات نايزابەكوۆ، سەرىك جاراسبايەۆ سايلاندى»، - دەلىنگەن حابارلامادا.
قاۋىمداستىق ءتورت باعىت: كاراتە، جەكپە-جەك، قويان-قولتىق جەكپە-جەك، ارالاس جەكپە-جەك م م ا سپورت تۇرلەرىن بويىنشا جۇمىس جۇرگىزەدى.