استانادا كومىر باعاسى ارزاندادى

استانا. قازاقپارات - استانا اكىمدىگى ق ر ينۆەستيتسيا جانە دامۋ مينيسترلىگىمەن، تاۋ-كەن ءوندىرۋ جانە تاۋ-كەن مەتاللۋرگيالىق كاسىپورىندار قاۋىمداستىعىمەن بىرلەسىپ، حالىقتىڭ قاجەتتىگى ءۇشىن كومىر باعاسىن تومەندەتۋ تۋرالى ماسەلەنى قاراستىردى، دەپ حابارلايدى ەلوردا اكىمدىگىنىڭ رەسمي سايتى.

استانا قالاسى وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى كومىر باعاسىن تومەندەتۋ تۋرالى ءبىرقاتار مەموراندۋمدى بەكىتتى. جۇرگىزىلگەن جۇمىستاردىڭ قورىتىندىسى بويىنشا كومىرگە تومەندەگى باعالار بەكىتىلدى: «بەك-ايدا» ج ك- دە - كوكتال ك 28/1 (ە كومبيناتى)، جۇبانوۆ، 35 «شۇباركول» كومىرىنىڭ ءبىر تونناسىنىڭ باعاسى 13500 تەڭگەدەن 11200 تەڭگەگە دەيىن تومەندەتىلدى. «سابينا» ج ك - جابايەۆ ك 76 (قىرقىنشى ستانسا) «شۇباركول» كومىرىنىڭ باعاسى 13600 تەڭگەدەن 11400 تەڭگەگە دەيىن ءتۇسىرىلدى. «سيەۆەرەنەرگوۋگولسناب» ج ش س - پرومزونا ك 4/39 (قىرقىنشى ستانسا)، گەرتسەن ك 4/1 «قاراجىرا» كومىرىنىڭ تونناسى 14000 تەڭگەدەن 13200 تەڭگەگە دەيىن ارزانداتىلدى؛ «ۋمار ك ز» ج ش س - دۋلاتوۆ ك. 182/1، ليتەينايا 44 «قاراجىرا» كومىرىنىڭ تونناسى 14000 تەڭگەدەن 13200 تەڭگەگە دەيىن كەمىتىلدى.

كومىر ءونىمىن ساتىپ الۋعا قاتىستى بارلىق سۇراقتار بويىنشا I-كومەك قالالىق مونيتورينگ جانە جەدەل ارەكەت ەتۋ ورتالىعىنىڭ 109 نومىرىنە حابارلاسۋعا بولادى.