استانا «ادالدىق دۇكەنى» اشىلدى
جوبا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ «استانا - ادالدىق الاڭى» جوباسى اياسىندا جۇزەگە اسىرىلعان.
بۇل جونىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ پەن استانا قالاسىنىڭ اكىمى باقىت سۇلتانوۆتىڭ «استانا مەديتسينا ۋنيۆەرسيتەتى» ا ق جۇمىس ساپارىندا ۋنيۆەرسيتەت رەكتورى ءماجيت شايداروۆ مالىمدەدى.
«ادالدىق دۇكەنىندە» ستۋدەنت قاجەتتى تاۋاردى ساتىپ الىپ، ارنايى قوراپقا اقشاسىن قالدىرادى. ياعني، كاسسالىق اپپاراتتىڭ كومەگىنسىز جۇمىس ىستەيدى. مۇنداي جوبانى جۇزەگە اسىرۋ جاستاردىڭ تاربيەسى مەن ادالدىعىن ارتتىرۋعا باعىتتالعان» ، - دەپ حابارلادى اتالمىش ۆەدوموستۆونىڭ باسپا ءسوز قىزمەتى.
سونىمەن بىرگە، ۋنيۆەرسيتەتتە ستۋدەنتتەرگە قىزمەت كورسەتەتىن «ە-University» ورتالىعى اشىلدى.
«ورتالىق ارقىلى جاتاقحانالاردا ەلەكتروندىق ەسەپ جۇرگىزۋگە بولادى، بۇل ءوز كەزەگىندە بوگدە تۇلعالارسىز ونلاين- جۇيەدە بولمەلەردى ۇيلەستىرۋگە مۇمكىندىك بەرەدى. اليك شپەكبايەۆ پەن باقىت سۇلتانوۆ ورتالىقتىڭ جۇمىسىن وڭ باعالادى جانە بۇل تاجىريبەنى ەلوردانىڭ باسقا ۋنيۆەرسيتەتتەرى مەن كوللەدجدەرىنە تاراتۋدى ۇسىندى» ، - دەلىنگەن رەسمي حابارلامادا.
