سەمەيدىڭ قالا كوشەلەرىندە اسپانعا وق اتقاندار ۇستالدى

سەمەي. قازاقپارات - سەمەيدە ۇيلەنۋ تويىنىڭ كورتەجىن ۇيىمداستىرىپ، قالا كوشەلەرىندە اتىس جاساعان جاستار جاۋاپكەرشىلىككە تارتىلدى، دەپ حابارلايدى قازاقپارات.

قالادا قىمبات كولىكتەردەن قۇرالعان توي كورتەجى كولىك كەپتەلىسىنە سەبەپكەر قانا بولماي جاياۋ جۇرگىنشىلەر جولاعىنا شىعىپ، جولداعى ەرەجەنى ورەسكەل بۇزعان. ءتىپتى اسپانعا بىرنەشە رەت وق اتقان بولاتىن.

الەۋمەتتىك جەلىگە تاراعان بەينەجازبادان كەيىن پوليتسيا قىزمەتكەرلەرى جەدەل ىسكە كىرىستى.

جەدەل ىزدەۋ بارىسىندا ولاردىڭ كىم ەكەنى انىقتالدى.

7 كولىكتىڭ جۇرگىزۋشىسى ورتالىق پوليتسيا بولىمشەسىنە جەتكىزىلدى. ناتيجەسىندە بىرنەشە جول ەرەجەسىن بۇزۋ ارەكەتىنە بايلانىستى ق ر اكىمشىلىك قۇقىق بۇزۋشىلىق كودەكسىنە سايكەس اكىمشىلىك جاۋاپكەرشىلىككە تارتىلدى.

ال «Retay Baron» تاپانشاسىمەن اسپانعا وق اتقان ازاماتتىڭ ۇستىنەن ق ر قىلمىستىق كودەكسىنىڭ 293-بابى بويىنشا سوتقا دەيىنگى تەرگەۋ باستالدى.

«قالا جولدارىندا كولىك كەپتەلىسىن تۋدىرعانى ءۇشىن 30 جاستاعى «مەرسەدەس» كولىگىنىڭ جۇرگىزۋشى ق ر ا ق ب ت ك 614-بابىنىڭ 1-تارماعى (كولىك قۇرالدارىنىڭ جۇرۋىنە كەدەرگى كەلتىرۋ) بويىنشا جاۋاپقا تارتىلدى. ال 30 جاستاعى «لەكسۋس» جۇرگىزۋشىسىنە كولىك قۇرالىنا ارنايى جارىق جانە دىبىس سيگنالدارىن بەرۋگە ارنالعان قۇرىلعىلاردى ورناتۋ قاعيدالارىن بۇزۋ بابى بويىنشا حاتتاما تولتىرىلدى. تاعى ءبىر 36 جاستاعى كولىك يەسىنە كولىك قۇرالىن جولدىڭ ءجۇرۋ بولىگىندە ورنالاستىرۋ، قارسى ءجۇرىپ وتكەنى ءۇشىن جاۋاپقا تارتىلدى»، - دەدى سەمەي قالالىق پوليتسيا باسقارماسىنىڭ باسپا ءسوز قىزمەتىنەن.