يسپانيا ساحناسىندا «ۇلى دالا اۋەندەرى» اۋەلەيتىن بولادى
بۇل تۋرالى وركەستردىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
7- جەلتوقساندا يسپانيا استاناسى مادريدتە وتەتىن كونسەرت قازاقستان رەسپۋبليكاسى تاۋەلسىزدىگى مەرەكەسىنە ارنالادى. وركەستردىڭ گاسترولدىك ساپارى پرەزيدەنتتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا مادەنيەت جانە سپورت مينيسترلىگىنىڭ قولداۋىمەن ۇيىمداستىرىلىپ وتىر.
ۇجىم وسى ساپار اياسىندا ەكى ەل اراسىنداعى ءوزارا ىنتىماقتاستىقتى جانداندىرۋدى، قازاق ونەرىن دارىپتەۋدى ماقسات ەتۋدە.
«ۇلى دالا اۋەندەرى» اتالاتىن كونسەرت باعدارلاماسىندا حالىق كۇيلەرىمەن قاتار، قۇرمانعازى، تۇركەش، قورقىت، لاتيف حاميدي، نۇرعيسا تىلەنديەۆ، قادىر مىرزاليدىڭ تۋىندىلارى، سونداي-اق الەمنىڭ كلاسسيك كومپوزيتورلارى جورج بيزە، انتونيو ۆيۆالدي، يمرە كالمان، يوگانن شتراۋستىڭ شىعارمالارى ورىندالادى»، - دەدى قۇرمانعازى وركەسترىنىڭ باسپا ءسوز قىزمەتى.
2017-جىلى وركەستر ۇجىمى «ۇلى دالا اۋەندەرى» اتتى كونسەرتتىك باعدارلامامەن پاريجدە يۋنەسكو شتاب- پاتەرىنىڭ ۇلكەن زالىندا، بولگاريا رەسپۋبليكاسىنىڭ ۆارنا، پلوۆديۆ، سوفيا قالالارىندا، وزبەكستان استاناسى تاشكەنت جانە سامارقاند قالالارىندا ونەر كورسەتكەن بولاتىن.