ەلىمىزدە بايلانىس قىزمەتىنىڭ تاريفتەرى تومەندەيدى
«قازىرگى ۋاقىتتا كابەلدىك كارىز جۇيەلەرىن جالعا بەرۋ قىزمەتتىك تاريفتەرىن، سونىمەن قاتار اۋىلداردا كابەلدىك تەلەفون مەن ينتەرنەتتىڭ سۋبسيديالانعان تاريفتەرىن رەتتەۋ مينيسترلىكتىڭ قۇزىرەتىندە. كابەلدىك قىزمەتتەر زاڭدى تۇلعالارعا كورسەتىلىپ، تاريفتتەرى سوڭعى 2 جىلدىڭ ىشىندە وزگەرگەن جوق»، - دەدى ول.
ۆيتسە- ءمينيستردىڭ دەرەگىنشە، كابەلدىك تەلەفون جانە ينتەرنەت تاريفتەرى اۋىلدىق تۇرعىندارعا 2013 -جىلدان باستاپ، ءوز قۇنىنان تومەن باعامەن قىزمەت كورسەتىلدى. اتاپ ايتقاندا، اۋىلداردا كابەلدىك تەلەفون بايلانىسى تاريفى 596 تەڭگە، ال وزىندىك قۇنى 1125 تەڭگە، اۋىلداردا ينتەرنەت تاريفى 982 تەڭگەدەن 1964 تەڭگەگە دەيىن تاريفتىك پاكەتتەر بار. ال ونىڭ وزىندىك قۇنى 2932 تەڭگەنى قۇرايدى.
«اۋىلدىق جەرلەردە وسى قىزمەت كورسەتۋ بويىنشا وتەماقى بيۋدجەت ەسەبىنەن جاسالادى. اعىمداعى جىلى وسى قىزمەتتەردى سۋبسيديالاۋعا 8,7 ميلليارد تەڭگە بولىنگەن. دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسىندە بايلانىس قىزمەتتەرىنىڭ تاريفتىك قولجەتىمدىلىك ۇيالى بايلانىس تاريفتەرى بويىنشا قازاقستان 140 ەلدىڭ ىشىندە 29-ورىندا. ال بەكىتىلگەن كەڭ جولاقتى ينتەرنەت قىزمەتتەرى بويىنشا 20-ورىندا تۇر»، - دەدى ول.
دينارا شەگلوۆانىڭ سوزىنە قاراعاندا، ق ر پرەمەر- ءمينيسترىنىڭ تاپسىرماسىن ورىنداۋ ماقساتىندا بايلانىس قىزمەتتەرىن تومەندەتۋ بويىنشا مينيسترلىك «قازاق تەلەكوم»، «ترانس تەلەكوم»، «قازترانس كوم»، КCell، قارتەل، Mobile بايلانىس وپەراتورلارىمەن كەلىسسوز جۇرگىزگەن.
«ناتيجەسىندە كەلەسى ايدىڭ اياعىنا دەيىن قولجەتىمدى الەۋمەتتىك تاريفتەر پاكەتىن ازىرلەپ، بايلانىس باعاسىن تومەندەتۋ ۇسىنىلدى. اتالعان تاريفتىك پاكەتتەر بويىنشا اقپارات ب ا ق- تا جاريالانادى»، - دەدى ۆيتسە- مينيستر.
اۆتور: مارلان جيەمباي