بويىڭىزدى وسىرگىڭىز كەلسە
بەلتەمىرگە كوپ تارتىلاتىن ادامنىڭ بويى تەز وسەدى دەگەن ءسوزدى ءجيى ەستيمىز. الايدا بويدىڭ ءوسۋى تەك بەلتەمىرگە بايلانىستى ەمەس. ەگەر سالاۋاتتى ءومىر سالتىن ۇستانىپ، دەنەڭىز بەن بۇلشىقەتىڭىزدى قاتايتاتىن جاتتىعۋلار جاساساڭىز، بويىڭىز وزگەلەردەن ۇزىن بولىپ وسەدى.
1. كەرىلۋ
كەرىلىپ، سوزىلىپ جاساعان جاتتىعۋلار بويدىڭ وسۋىنە كوپ اسەر ەتەدى. سونىمەن قاتار دەنەنىڭ يكەمدىلىگىن دە جاقسارتادى. بۇلشىقەتىڭىز بەن ءسىڭىرىڭىز سوزىلىپ، بەل ومىرتقاڭىز تۇزەلىپ، ومىرتقا ارالىق ديسكىلەرىڭىز ورنىنا كەلەدى. كۇندەلىكتى ومىردە سىزگە قاراپايىم ءارى ناتيجەلى جاتتىعۋ ءتۇرىن جاساۋعا كەڭەس بەرەمىز. ول مىناداي: اياعىڭىزدى يىق دەڭگەيىنە قويىپ، ساۋساعىڭىزدىڭ ۇشىن ەدەنگە دەيىن جەتكىزىڭىز. اياعىڭىزدى تىك ۇستاپ، بەلىڭىزدەگى بۇلشىقەتتەردىڭ قالاي سوزىلىپ جاتقانىن سەزىنىڭىز. ەگەر مۇنداي جاتتىعۋدى كۇن سايىن قايتالاپ جۇرسەڭىز، دەنەڭىز شىنىعىپ، بويىڭىز وسەدى.
2. سەكىرۋ
ءبىر ورىندا تۇرىپ، بيىكتىككە سەكىرۋ دە بويىڭىزدىڭ وسۋىنە كومەكتەسەتىن كەرەمەت جاتتىعۋ ءتۇرى. ەگەر كۇنىنە 200 رەت وسىلاي سەكىرسەڭىز، 1-2 ايدىڭ ىشىندە دەنەڭىز تىكتەلىپ، بويىڭىز ءبىراز ءوسىپ قالادى.
3. ءجۇزۋ
دەنەمىزگە ەرەكشە اسەرىن تيگىزەتىن سپورت ءتۇرى - ءجۇزۋ ەكەنى داۋسىز. ەگەر جۇزۋمەن اينالىسا باستاڭىز، 1-2 ايدىڭ ىشىندە زور دەنەلى بولىپ شىعا كەلەسىز. بالاڭىزدى جاستايىنان باسسەينگە بەرسەڭىز، بويىنىڭ بيىك بولىپ وسەتىنىنە كەپىل بەرەمىز. ويتكەنى سۋدىڭ ادام دەنساۋلىعىنا پايداسى وتە كوپ.
4. باسكەتبول
بۇل سپورت ءتۇرى ءارقاشان جوعارىعا ۇمتىلۋعا ماجبۇرلەيدى. «نەگە بوسكەتبولشىلاردىڭ بويى وتە ۇزىن بولادى؟» دەگەن سۇراققا ويلانىپ كوردىڭىز بە؟ ەگەر كۇندەلىكتى ومىردە باسكەتبول ۇيىرمەسىنىڭ جاتتىعۋلارىن جاساپ جۇرسەڭىز، بويىڭىزدىڭ وسۋىنە پايداسى مول ەكەنىنە كوزىڭىزدى جەتكىزەسىز. مىسالى جوعارىعا سەكىرۋ، قولىڭىز بەن اياعىڭىزدىڭ بۇلشىقەتتەرىن سوزۋ، بەلىڭىزدى تىك ۇستاۋ سەكىلدى جاتتىعۋلار گورموندى جۇيەڭىزدى جاقسارتىپ، ىشكى مۇشەلەرىڭىزدى قالىپقا كەلتىرەدى. ال ول دەگەنىمىز بويىڭىزدىڭ تەز وسۋىنە سەپتىگىن تيگىزەدى.
5. دۇرىس تاماقتانۋ
بويىڭىزدى وسىرگىڭىز كەلسە، اس مازىرىنە اسقان جاۋاپكەرشىلىكپەن قاراڭىز. مىسالى وعان قۇرامىندا كالتسي كوپتەپ كەزدەسەتىن ءسۇت ونىمدەرىن جانە تەمىر مەن مىرىشقا باي الما، اسقاباق ءدانى سەكىلدى تاعامداردى كىرگىزە الاسىز. سونىمەن قاتار دارۋمەندەر مەن مينەرالدارعا باي شىرىنداردى ىشۋىڭىزگە بولادى. ەگەر وسى اتالعان تاعامداردى تۇتىنساڭىز، بويىڭىزدىڭ وسپەي قالۋى مۇمكىن ەمەس.
6. ماسساج
كاسىبي ماسساج جاساۋشىلارعا بارساڭىز، دەنە ءبىتىمىڭىز دۇرىستالىپ، ومىرتقاڭىز تۇزەلەدى. 20 رەت ماسساج سەانسىن قابىلداساڭىز، دەنەڭىزدىڭ جاقسارعانىنا جانە بۇرىنعى بويىڭىزعا بىرنەشە سانتيمەتر قوسقانىڭىزعا كوزىڭىزدى جەتكىزەسىز.
7. دۇرىس ۇيقى
كۇنىنە 9 ساعات ۇيىقتاساڭىز، بويىڭىزدىڭ وسۋىنە ەرەكشە اسەر ەتەدى. ەگەر جوعارىدا اتالعان جاتتىعۋلاردى جاساعىڭىز كەلسە، وندا مىندەتتى تۇردە ۇيقىڭىز قانىق بولۋى كەرەك. ەشقانداي دەمالىسسىز جاساعان جاتتىعۋ ناتيجە بەرمەيتىنىن ەستەن شىعارماڭىز.
بۇل قاعيدالار ءسىزدىڭ بويىڭىزدىڭ وسۋىنە كوپ كومەكتەسەدى. ەڭ باستىسى ءوز- وزىڭىزگە جاۋاپكەرشىلىكپەن قاراڭىز. سوندا العا قويعان ارمان- ماقساتتارىڭىزعا جەتەسىز.