تانىمال ءانشىنى ءۇيىنىڭ اۋلاسىندا اتىپ كەتتى

 استانا. قازاقپارات - داعىستاندا ءانشى ماشيدات وماروۆانى ءوز ءۇيىنىڭ اۋلاسىندا اتىپ كەتكەن.

قازىرگى ۋاقىتتا كۇدىكتى ىزدەستىرىلىپ جاتىر دەپ حابارلايدى ر ي ا نوۆوستيگە سىلتەمە جاساعان NUR. KZ.

داعىستاننىڭ ىشكى ىستەر مينيسترلىگىنىڭ مالىمەتىنشە، وقيعا كەشە تۇنگى 23:00 دە بولعان. ءانشىنى ماحاچكالاداعى ءوز ءۇيىنىڭ اۋلاسىندا اتقان.

«كۇدىكتى ءانشىنىڭ ىشىنەن زاقىمداعان»، - دەيدى داعىستاننىڭ ىشكى ىستەر مينيسترلىگى.

ال داعىستاندىق دەنساۋلىق ساقتاۋ دەپارتامەنتى ءانشىنىڭ جاعدايىنىڭ اسا اۋىر ەكەنىن ايتادى.

«قازىر جانساقتاۋ بولىمىندە جاتىر. ونىڭ جاعدايى اسا اۋىر. ول وكپەسىنە جالعانعان ارنايى اپپاراتپەن دەمالىپ جاتىر»، - دەيدى داعىستاندىق دەنساۋلىق ساقتاۋ دەپارتامەنتى.

وقيعاعا قاتىستى قىلمىستىق ءىس قوزعالىپ، قىلمىسكەر ىزدەستىرىلۋدە.