09:11, 26 - قاراشا 2018 | GMT +5
يراندىق حالك م م ا ەرەجەسى بويىنشا ءبىرىنشى جەكپە- جەگىن وتكىزەدى
استانا. قازاقپارات - «يراندىق حالك» ەسىمىمەن تانىلعان اۋىراتلەت سادجاد گاريبي م م ا ەرەجەسى بويىنشا ءبىرىنشى جەكپە- جەگىن وتكىزەدى، - دەپ حابارلايدى Eurosport .
26 جاستاعى سپورتشىنىڭ قارسىلاسى 36 جاستاعى ۇلى بريتانيالىق بوديبيلدەر جانە اكتەر مارتين فورد بولادى. ونى «جەر بەتىندەگى ەڭ قۇبىجىق ادام» دەپ تە اتايدى. ونىڭ سالماعى شامامەن - 150 كەلى، بويى - ەكى مەتر. ال يراندىق سپورتشىنىڭ سالماعى - 180 كەلى، بويى- 188 سانتيمەتر. سادجاد گاريبي فيزيكالىق مالىمەتتەرىمەن الەمدى تاڭعالدىرعان ەدى.
«پارسى گەركۋلەسىنىڭ» Instagram جەلىسىندەگى پاراقشاسىنا 400 مىڭ ادام جازىلعان. 2016 -جىلى ەر ادام يگيل تەررورلىق توبىنا قارسى كۇرەس جۇرگىزۋ ءۇشىن يران اسكەرىنە ەرىكتى بولىپ جازىلۋعا دايىن ەكەنىن مالىمدەگەن ەدى.
اقپارات كوزى: vesti.kz