جارقىن جەڭىستەرىنەن كەيىن قازاقستاندىق بوكسشىلاردىڭ رەيتينگى جوعارىلادى

استانا. قازاقپارات - قازاقستاندىق بوكسشىلار نۇرزات سابىروۆ (8-0، 7 ك و) پەن سادريددين احمەدوۆ (5-0، 5 ك و) كانادانىڭ ريمۋسكي قالاسىنداعى Le Centre Financiere Sun Life كەشەنىندە كەزەكتى جەكپە-جەكتەرىن وتكىزدى، دەپ حابارلايدى قازاقپارات Sports.kz سايتىنا سىلتەمە جاساپ.

سابىروۆ ەكىنشى راۋندتا تاجىريبەلى مەكسيكالىق بوكسشى روككي مونتويونى ەكىنشى راۋندتا تەحنيكالىق نوكاۋتپەن جەڭدى. بۇل جەڭىس وعان BoxRec.com سايتىنىڭ رەيتينگىندە 21 پوزيتسياعا (ەكىنشى ورتا سالماق) كوتەرىلۋگە ىقپال ەتتى. ەندى ول - 104-ورىندا. نۇرزات سونداي-اق 108-ورىندا تۇرعان جانىبەك ءالىمحان ۇلىن (4-0، 1 ك و) باسىپ وزدى.

سونداي-اق BoxRec رەيتينگىندە قارسىلاسىن نوكاۋتقا تۇسىرگەن تاعى ءبىر قازاقستاندىق بوكسشى كوتەرىلدى. 20 جاستاعى سادريددين احمەدوۆ مەكسيكالىق حوسە فرانسيسكو سۋنيگۋدى (14-12-2، 5 ك و) جەڭىپ، 224-ورىننان 187 گە (ورتا سالماق) كوتەرىلدى. دەگەنمەن، ايتا كەتەرلىگى، سادريددين ازىرگە ءبىرىنشى ورتا سالماق ساناتىندا ونەر كورسەتۋدە.