تاعى ءبىر قازاقستاندىق بوكسشى قارسىلاسىن نوكاۋتقا جىبەردى

استانا. قازاقپارات - كانادانىڭ ريمۋسكي قالاسىنداعى Le Centre Financiere Sun Life كەشەنىندە قازاقستاندىق بوكسشى سادريددين احمەدوۆ (4-0، 4 ك و) كەزەكتەگى جەكپە-جەگىن وتكىزدى، دەپ حابارلايدى قازاقپارات Sports.kz-كە سىلتەمە جاساپ.

ونىڭ بۇل جولعى قارسىلاسى 27 جاستاعى مەكسيكالىق سپورتشى حوسە فرانسيسكو سۋنيگا (14-11-2، 5 ك و) بولدى. ءبىرىنشى ورتا سالماقتا وتكەن كەزدەسۋ التى راۋندقا ەسەپتەلگەن بولاتىن. ءبىراق سادريددين ەكىنشى راۋندتا- اق قارسىلاسىن نوكاۋتقا جىبەردى. وسىلايشا، سادريددين ءوز ستاتيستيكاسىن ءبىرشاما جاقسارتىپ الدى: 5-0، 5 ك و. ال ونىڭ قارسىلاسى كاسىپقوي مانسابىندا 12- رەت جەڭىلىسكە ۇشىرادى.

ەسكە سالا كەتەيىك، سادريددين احمەدوۆ كاسىپقوي رينگتەگى دەبيۋتىن 7 ساۋىردە تويلاعان بولاتىن. سول كەزدەسۋدىڭ 31-سەكۋندىندا مەكسيكالىق توني باررەراستى (1-2، 1 ك و) جەڭگەن. كەيىن قازاقستاندىق بىلعارى قولعاپ شەبەرى اريەل الەحاندرو سامپەدري (9-5، 7 ك و)، گۋستاۆو گاريباي (14-11-2، 6 ك و) جانە حەسۋس حاۆەر مەندوسالاردى (7-6-1، 6 ك و) تىزە بۇكتىردى.