دانەليا تولەشوۆا ەۋروپالىق ب ا ق-تى تاڭعالدىردى

الماتى. قازاقپارات - دانەليا تولەشوۆانىڭ «مينسك ارەناداعى» بالالار ەۋروۆيدەنيەسىنىڭ فينالىنا ەكىنشى رەپەتيسياسىن تاماشالاعان ەۋروپالىق ب ا ق وكىلدەرى تاڭدانىسىن جاسىرا المادى، دەپ حابارلايدى قازاقپارات ءتىلشىسى.

قازاقستاندىق جاس ونەرپاز دانەليا تولەشوۆانىڭ باسپا ءسوز ءماسليحاتى مەن ەكىنشى رەپەتيتسياسى اياقتالدى. ونى ەۋروپا ب ا ق- تارى ەڭ جارقىن قاتىسۋشىلاردىڭ ءبىرى دەپ اتاپ ءجۇر.

www.escxtra.com سايتى Ózińe Sen ءانىنىڭ قويىلىمىن «گولليۆۋدقا لايىقتى» دەپ اتادى. باسىلىم: «بەيسەنبىدە عانا قازاقستان ۇزدىك دەلەگاتسيالاردىڭ ءبىرى دەپ تانىلعان بولاتىن (كامەرالاردىڭ جۇمىسى بويىنشا - رەد. ). كادرلار مەن فيلترلەردىڭ پايدالانىلۋى ءمىنسىز»، «بۇگىن جۇرتتىڭ ءبارى ونىڭ دايىندىعىن تاماشالاۋعا كەتىپ، باسپا ءسوز ورتالىعى قاڭىراپ قالدى. دانەليا مينسكىدە جۋرناليستەردى جەڭدى دەۋگە بولادى»، - دەپ جازدى.

ەۋروۆيدەنيە فان كلۋبتارىنىڭ حالىقارالىق جەلىسى infenetwork.net بىلاي جازادى: «ونىڭ ۆوكالى تاڭعالدىرادى، ول ءوزىن ساحنادا مەيلىنشە سەنىمدى سەزىنە باستادى. ونىڭ داۋسىمەن ايتىلعان ءاننىڭ اۋەنى كورەرمەندەردى ەرتەگىلەر الەمىنە جەتەلەيدى».

ەسكە سالا كەتەيىك، بالالار ەۋروۆيدەنيەسىنىڭ junioreurovision.tv سايتىندا 24 -قاراشا كۇنى استانا ۋاقىتىمەن 01:00-دە كورەرمەندەردىڭ ونلاين داۋىس بەرۋى باستالدى. پايدالانۋشىلار وزدەرىنە ۇناعان بەس قاتىسۋشىعا داۋىس بەرە الادى. داۋىس بەرۋ 25 -قاراشاعا دەيىن جالعاسادى. نەگىزگى كونتسەرتتىڭ تىكەلەي كورسەتىلىمى باستالاردىڭ الدىندا داۋىس بەرۋ توقتاتىلادى. بارلىق ۇمىتكەرلەر ونەرىن كورسەتىپ بولعاننان كەيىن 15 مينۋتتان سوڭ داۋىس بەرۋ قايتا باستالادى.

حالىقارالىق بايقاۋدىڭ فينالىن قازاقستان تۇرعىندارى «حابار» ارناسىنان 25 -قاراشا كۇنى 21:00-دە تىكەلەي ەفيردەن تاماشالاي الادى.