ماڭعىستاۋدا كولىك تۇيەمەن سوقتىعىسىپ، ءبىر ادام قازا تاپتى

استانا. قازاقپارات - «اقتاۋ - جەتىباي» كۇرە جولىندا اۆتوموبيل تۇيەمەن سوقتىعىسىپ، ءبىر جولاۋشى وقيعا ورنىندا قازا تاپتى.

تاعى ەكى ادام جاراقات العان، دەپ حابارلايدى قازاقپارات lada.kz-كە سىلتەمە جاساپ.

بەيرەسمي دەرەككوزدەرگە سۇيەنسەك، زارداپ شەككەن جولاۋشىلار جەتىباي اۋداندىق اۋرۋحاناسىنا جاتقىزىلعان.

اپات 21 -قاراشا كۇنى تۇندە بولعان.

Toyota Hiace اۆتوموبيلى تۇيەمەن سوقتىعىسىپ، اپات سالدارىنان 1999 -جىلى تۋعان جىگىت قازا تاپقان.

 

«زارداپ شەككەن ەر ادام مەن ايەل اۋداندىق اۋرۋحاناعا جەتكىزىلدى. ەر ادام مەديتسينالىق جاردەم كورسەتىلگەننەن كەيىن، اۋرۋحاناعا جاتۋدان باس تارتتى. ال ايەل ماڭعىستاۋ وبلىستىق اۋرۋحاناسىنا جىبەرىلدى»، - دەيدى كۋاگەرلەر.

 

فوتو: www.lada.kz