استانادا جەدەل جاردەم بريگادالارىنىڭ جارىسى ءوتتى
بۇل تۋرالى ستانسانىڭ Facebook پاراقشاسىندا حابارلاندى.
داستۇرگە اينالعان جارىسقا ماماندار ءجىتى قىزىعۋشىلىق تانىتىپ كەلەدى. جارىس جەدەل مەديتسينالىق جاردەم قىزمەتتەرىنىڭ توتەنشە جاعدايلاردان، جول اپاتتارىنان زارداپ شەككەندەرگە شۇعىل كومەك كورسەتۋگە دايىندىعىن ارتتىرۋ ماقساتىندا ۇيىمداستىرىلادى.
«جارىس باعدارلاماسىندا قاتىسۋشىلار «انافيلاكتيكالىق شوك كەزىندە شۇعىل جاردەم»، «جاڭا تۋعان نارەستەنىڭ جانىن ساقتاپ قالۋ»، «زارداپ شەگۋشى كوپ جاراقات العان كەزدەگى شۇعىل جاردەم»، «وتكىر قان تامىرى سيندرومى كەزىندەگى جاردەم» سەكىلدى سيتۋاتسيالىق تاپسىرمالاردى ورىندادى. «وقيعا ورىندارىندا» مانەكەندەر جانە ستاندارتتالعان ناۋقاستار قولدانىلدى»، - دەلىنگەن حابارلامادا.
جارىسقا قاتىسۋشىلاردىڭ بىلىمدەرىن، جىلدامدىعى جانە جۇمىس ۇيىمشىلدىعىن قۇزىرەتتى قازىلار القاسى باعالاپ وتىردى. جارىستا سارىارقا شاعىن ستانساسىنىڭ بريگاداسى جەڭىسكە جەتتى. جەڭىمپازدار مەن جۇلدەگەرلەرگە سىيلىقتار مەن سەرتيفيكاتتار تابىستالدى.