10:56, 24 - قاراشا 2018 | GMT +5
ۋەفا ماسكەۋلىك فۋتبول كومانداسىن جازالادى
استانا. قازاقپارات - ۋەفا ماسكەۋلىك س س ك ا كومانداسىن جازالادى. ەندى ولار الداعى ءوز الاڭىنداعى ەۋروكۋبوك ويىندارىنىڭ ماتچىن تريبۋنانىڭ جارىم-جارتىلاي جابىلۋى ارقىلى وتكىزەدى. بۇل تۋرالى ۋەفا سايتىندا حابارلاندى.
وندا س س ك ا ءۇشىن سىناق مەرزىمى ءبىر جىلعا سوزىلاتىندىعى اتاپ وتىلگەن. سونداي-اق كلۋبقا 44 مىڭ ەۋرو ايىپپۇل سالىندى.
ايتا كەتسەك، س س ك ا 7 -قاراشادا «لۋجنيكي» ستاديونىندا يتاليالىق «رومى» كومانداسىنان 1:2 ەسەبىمەن جەڭىلگەن بولاتىن.
ويىن قورىتىندىسىنا سايكەس ۋەفا ماسكەۋلىك كلۋبقا بايلانىستى ءۇش باپ: وتەتىن باسپالداقتاردى بوگەۋ، جانكۇيەرلەردىڭ پويرتەحنيكالاردى پايدالانۋى جانە ءتۇرلى زاتتاردى الاڭعا لاقتىرۋى بويىنشا تەكسەرگەن ەدى.