دانيار ەلەۋسىنوۆ سالماق ولشەۋ راسىمىنەن ءوتتى
ەلەۋسىنوۆتىڭ سالماعى 147,7 فۋنت (67 ك گ) بولدى، ال موحيكا - 146 فۋنت (66,22 ك گ) شىقتى.
بۇگىن قازاقستاندىق بوكسشى استاناداعى ورتالىق كوممۋنيكاتسيالار قىزمەتىنە جينالعان ب ا ق وكىلدەرىمەن موناكودان ۆيدەوبايلانىس ارقىلى قوسىلدى. ول ءوزىنىڭ قارسىلاسى وتە تاجىريبەلى ءارى مىقتى ەكەنىن اتاپ ءوتتى.
ەلەۋسىنوۆ- موحيكا جەكپە- جەگىن «حابار» تەلەارناسى تىكەلەي ەفيردەن كورسەتەدى. ايقاس قاراشانىڭ 24 ىنەن 25 ىنە قاراعان ءتۇنى «كازينو دە مونتە- كارلودا» وتەدى. بۇل كەشتىڭ باستى ايقاسى العاشقى اۋىر سالماقتاعى بۇرىنعى الەم چەمپيونى رەسەيلىك دەنيس لەبەديەۆ (31-2, 23 كو) پەن امەريكالىق مايك ۋيلسون (19-0, 8 ك و) اراسىندا وتەدى. حەدلاينەرلەر اسا جەڭىل سالماقتاعى حاليد يافاي (24-0, 15 ك و) مەن يسراەل گونسالەس (23-2, 10 ك و) بولماق.
ەسكە سالايىق، دانيار ەلەۋسىنوۆ كاسىپقوي بوكستاعى ءتورتىنشى ايقاسىن 20 - قازاندا بوستون (ا ق ش) قالاسىندا وتكىزگەن بولاتىن. سوندا جەرگىلىكتى مەتت ءدوەرتيدى (8-6-1, 4 ك و) ءبىرىنشى راۋندتا- اق نوكاۋتقا جىبەردى.
ال كارلوس موحيكا سوڭعى رەت 14 - ساۋىردە رينگكە شىقتى. ول ەكىنشى راۋندتا جەرلەسى ەلۆيستى راميرەستى (7-18, 2 ك و) نوكاۋتپەن جەڭدى.