مەملەكەتتىك قىزمەتشىگە سىيلىق بەرگەنى ءۇشىن قانداي جازا قولدانىلادى

 استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى الداعى مەيرامدار كەزىندە مەمقىزمەتشىلەرگە سىيلىق بەرمەۋگە كەڭەس بەردى، دەپ حابارلايدى قازاقپارات.

مەملەكەتتىك قىزمەت سالاسىنداعى باقىلاۋ دەپارتامەنتىنىڭ باسشىسى راۆيل تيۋلەبايەۆتىڭ ايتۋىنشا، جاڭا جىل مەرەكەسى قارساڭىندا مەمقىزمەتشىلەرگە سىيلىقتار ءجيى بەرىلەدى. زاڭ بويىنشا مەملەكەتتىك قىزمەتكەرگە وزىنە جۇكتەلگەن جۇمىسى ءۇشىن كەز كەلگەن سىيلىقتى الۋعا تىيىم سالىنعان.

 «ەگەر سىيلىقتىڭ كولەمى 2 ايلىق ەسەپتىك كورسەتكىشتەن (1 ا ە ك -  2405 تەڭگە) تومەن بولسا، وندا سىيلىقتى بەرگەن ادامعا 200 ايلىق ەسەپتىك كورسەتكىش (481000 تەڭگە) كولەمىندە ايىپپۇل سالىنادى. ال سول سىيلىقتى العان مەملەكەتتىك قىزمەتشى 600 ايلىق ەسەپتىك كورسەتكىشتىڭ ( 000 443 1تەڭگە) ايىپپۇلىن تولەۋگە مىندەتتى. سىيلىقتىڭ باعاسى 2 ايلىق ەسەپتىك كورسەتكىشتەن جوعارى بولسا، وندا ونداي ارەكەتتەر پارا بولىپ سانالادى جانە قىلمىستىق ىسكە جاتادى» ، - دەدى ر. تيۋلەبايەۆ استانادا وتكەن باسپا ءسوز ءماسليحاتىندا.

 رەسمي مالىمەتكە سايكەس، اعىمداعى جىلدا زاڭسىز سىيلىقتاردى ۇسىنعانى ءۇشىن 28 جەكە تۇلعا اكىمشىلىك جاۋاپكەرشىلىككە تارتىلدى. ال زاڭسىز سىيلىقتى العانى ءۇشىن 5 لاۋازىمدى تۇلعا زاڭ الدىندا جاۋاپ بەردى. ولاردىڭ بارلىعى 16,1 ميلليون تەڭگەنىڭ ايىپپۇلىن تولەۋگە مىندەتتەلدى. ال استانالىق كاسىپكەر كەلىنشەك مەمقىزمەتكەرگە بالانس سالىپ بەرەمىن دەپ، مىڭ دوللارعا شىعىندالدى.