كاتارداعى انا مەن بالا ورتالىعىندا ناۋقاستاردى مۋزىكامەن ەمدەيدى
Sidra Medicine جاڭا مەديتسينالىق ورتالىعىن كاتار ءبىلىم بەرۋ، عىلىم جانە قوعامدىق دامۋ قورىنىڭ ءتوراعاسى شەيحا موزا بينت ناسسەر اشتى.
شەيحا موزا دوحادا Education City عىلىمي تەحنوپاركى مەن ۋنيۆەرسيتەت قالاشىعىنىڭ نەگىزىن قالاعان. ونىڭ پىكىرىنشە، Sidra Medicine مەديتسينا سالاسىنداعى ەرەكشە جاڭالىق جانە كاتار مەملەكەتىنىڭ يننوۆاتسيالىق دەنساۋلىق ساقتاۋ سالاسىن قامتاماسىز ەتۋدەگى كەزەكتى جەتىستىك.
وسىنداي بىرەگەي اكادەميالىق مەديتسينا مەكەمەسىندە ا ق ش، ۇلىبريتانيا، فرانسيا جانە باسقا دا 100 ەلدەن كەلگەن 4 مىڭ جۇمىسشىمەن قوسا، مۋزىكانتتار دا بار. سەبەبى، عالىمداردىڭ پىكىرىنشە، مۋزىكا ءتيىمدى كومەكتى تەراپيا سانالادى.
كەشەندى تانىمال ارگەنتينالىق ساۋلەتشى سەزار پەللي سالعان. ول كۋالا- لۋمپۋرداعى پەتروناس مۇنارالارىنىڭ جانە نيۋ- يوركتەگى دۇنيەجۇزىلىك قارجى ورتالىعىنىڭ اۆتورى.
«Sidra Medicine - ءبىلىم، جاڭالىقتار جانە دەنساۋلىقتىڭ جاڭا شامشىراعى. شەيحا موزانىڭ باسشىلىعىنىڭ ارقاسىندامول تابىستارعا قول جەتكىزدىك. مۇندا بىلىكتى دارىگەرلەر مەن جاھاندىق دەڭگەيدەگى بەدەلدى عالىمدار بىرلەسىپ جۇمىس ىستەيدى» ، - دەپ اتاپ ءوتتى Sidra Medicine باس ديرەكتورى پيتەر مورريس.
قازاقستاندىق دارىگەرلەر Sidra Medicine ورتالىعىنداعى بالالار كارديولوگى، نيەۆرولوگ، ۋرولوگ، حيرۋرگ جانە باسقا دا ماماندارمەن بايلانىس ورناتتى.