باسىنا مۇز قۇلاعان ايەلدىڭ ولىمىنە عيمارات يەسى جاۋاپتى - اكىم
«20 -قاراشا كۇنى 9 قاباتتى «Adal Residence» تۇرعىن ءۇي كەشەنىنىڭ الدىندا 60 جاستاعى ايەلدىڭ ۇستىنە مۇز كەسەگى قۇلاپ، مەرت قىلدى. بۇل جاعداي قوعامدا ۇلكەن رەزونانس تۋعىزدى. وقيعا ەلدىڭ ءىرى ب ا ق-تارىندا تالقىلاندى. قازىر پوليتسيا اتالعان جايتقا قاتىستى تەرگەۋ جۇرگىزىپ جاتىر. كىم جاۋاپتى ەكەنىن تەرگەۋ كورسەتەدى. جۇرگىزىلگەن تەكسەرۋ ناتيجەسىندە ق ر زاڭناماسىنا سايكەس شارالار قابىلدانادى. الماتى قالالىق كورىكتەندىرۋ ەرەجەسىنىڭ 93-پۋنكتىنە سايكەس، شاتىردى مۇزدان، قاردان تازالاۋ جۇمىستارى ءۇشىن عيمارات يەسى جاۋاپتى. ەگەر ول تۇرعىن ءۇي بولسا، تازالىق ءۇشىن پ ي ك نەمەسە باسقارۋشى ۇيىم جاۋاپتى بولادى. قار تىم كوپ بولماعانىمەن، شاتىر قۇرىلىسىنىڭ ەرەكشەلىگىنە قاراي جينالعان مۇز سۇڭگىسى كەسەككە اينالعان. وكىنىشكە قاراي، مۇنىڭ ارتى قايعىلى جاعدايعا اكەلدى»، - دەدى التاي راحىمبەتوۆ.
اۋدان اكىمى بوستاندىق اۋدانىندا 1770 بيىك ءۇي بار ەكەنىن ايتتى.
«كوممۋنالدىق قىزمەت وكىلدەرى كۇن سايىن وسى عيماراتتاردىڭ شاتىرىنا مۇز قاتىپ، قار باسۋىن باقىلاپ جۇرەدى. ءبىراق، بارلىعىنىڭ تازالانعانىن باقىلاپ وتىرۋ مۇمكىن ەمەس. سوندىقتان، ءبىرىنشى كەزەكتە ول ءۇشىن پ ي ك جاۋاپ بەرۋى ءتيىس»، - دەدى اكىم.
اۋدان اكىمى تۇرعىنداردان تازالانباعان شاتىرلاردى باقىلاپ، الەۋمەتتىك جەلى ارقىلى سۋرەتىن جىبەرىپ تۇرۋدى ءوتىندى.
ايتا كەتۋ كەرەك، توتەنشە جاعداي 20 -قاراشادا بولعان ەدى. عيماراتتىڭ قاسىنان ءوتىپ بارا جاتقان ايەلدىڭ باسىنا 9 قاباتتىق بيىكتىكتەن مۇز كەسەگى ءتۇسىپ، مەرت قىلدى.
قايعىلى وقيعاعا قاتىستى اۋداندىق كوممۋنالدىق شارۋاشىلىق ءبولىمىنىڭ باس مامانى جانات جاقسىبايەۆ تۇسىنىكتەمە بەرگەن بولاتىن.