ەلدوس سمەتوۆ جاپونيادا جۇلدەسىز قالدى

استانا. قازاقپارات - بۇگىن جاپونيانىڭ وساكا قالاسىندا ءوتىپ جاتقان دزيۋدودان جىلدىڭ قورىتىندى تۋرنيرى - Grand Slam باسەكەسىندە قازاقستاندىق وليمپيادا جۇلدەگەرى ەلدوس سمەتوۆ جۇلدەسىز قالدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادا كوميتەتىنىڭ باسپا ءسوز قىزمەتى ءمالىم ەتكەندەي، جارىستىڭ العاشقى كۇنىندە ەكى قازاق بالۋانى تاتاميگە شىعىپ، ەكەۋى دە جۇبانىش بەلدەسۋىندە قارسىلاستارىنا جول بەردى.

ەلدوس سمەتوۆ جۇبانىش بەلدەسۋىندە جاپوندىق شيشيمە تۋرەمەن بەلدەستى. 2015-جىلعى الەم چەمپيوناتىندا ەلدوسقا ەسە جىبەرگەن جەرگىلىكتى تاتامي شەبەرى بۇل جولى سول ەسەسىن قايتارا ءبىلدى. تارتىستى وتكەن كەزدەسۋدىڭ نەگىزگى ۋاقىتىندا ەسەپ تەڭ ءتۇسىپ، «التىن ۇپاي» دەپ اتالاتىن قوسىمشا كەزەڭدە «يۋكو» ءادىسىن العان تاتامي يەسى جەڭىسكە جەتتى.

سونداي-اق، 66 كەلىدەگى ەرلان سەرىكجانوۆ تا جۇبانىش بەلدەسۋىندە ۇتىلدى. ول ءوز توبىنداعى فينالدىق كەزدەسۋدە موڭعوليالىق بالۋانعا ەسە جىبەردى.

اۆتور: كۇنسۇلتان وتارباي