ەلباسى رەسەيلىك تەلەارنالارعا سۇحبات بەردى

استانا. قازاقپارات - قازاقستان پرەزيدەنتى بۇكىلرەسەيلىك مەملەكەتتىك تەلەۆيزيالىق جانە راديو حابارلارىن تاراتۋ كومپانياسىنىڭ تەلەارنالارىنا سۇحبات بەردى، دەپ حابارلايدى اقوردانىڭ باسپا ءسوز قىزمەتى.

ءتىلشى ساۋالدارىنا وراي، نۇرسۇلتان نازاربايەۆ كۇن تارتىبىندەگى نەگىزگى حالىقارالىق جانە وڭىرلىك ماسەلەلەرگە توقتالىپ، قازاقستان مەن رەسەي اراسىنداعى ىنتىماقتاستىقتىڭ باسىم باعىتتارى تۋرالى اڭگىمەلەدى.

سۇحبات بارىسىندا قازاقستان پرەزيدەنتى «نۇرلى جول» ينفراقۇرىلىمدى دامىتۋدىڭ مەملەكەتتىك باعدارلاماسىنىڭ نەگىزگى ناتيجەلەرى جونىندە ايتىپ، ەۋرازيا ەكونوميكالىق ىنتىماقتاستىق وداعى مەن «ءبىر بەلدەۋ، ءبىر جول» باستاماسىن توعىستىرۋدىڭ ارتىقشىلىقتارىنا ارنايى توقتالدى.

سونىمەن قاتار، مەملەكەت باسشىسى ءبىرقاتار جەكە سۇراقتارعا جاۋاپ بەرىپ، جاھاندىق ءتارتىپتىڭ ودان ءارى دامۋىنىڭ پەرسپەكتيۆالارىنا قاتىستى ءوز ويىن ورتاعا سالدى.

سۇحباتتى بيىلعى جەلتوقسان ايىنىڭ باسىندا «روسسيا-1» جانە «روسسيا-24» تەلەارنالارى ارقىلى كورسەتۋ جوسپارلانعان.