قاراجالدا رەسپۋبليكالىق ايتىس وتەدى - قاراعاندى

قاراعاندى. قازاقپارات - 29- قاراشادا قاراجال قالاسىندا رەسپۋبليكالىق ايتىس وتەدى. وعان قاراعاندى، سەمەي، الماتى، قىزىلوردا، قاراجال قالالارى، شەت جانە جاڭاارقا اۋداندارىنىڭ اقىندارى قاتىسادى، دەپ حابارلايدى ءوڭىر باسشىسىنىڭ رەسمي سايتى.

«ايتىس «رۋحاني جاڭعىرۋ» باعدارلاماسى شەڭبەرىندە قاراجال قالاسى اكىمدىگىنىڭ قولداۋىمەن ۇيىمداستىرىلادى. وعان 8 اقىن قاتىسادى. قازىلار القاسىنىڭ ءتوراعاسى استانادان كەلەتىن امانجول التايەۆ بولادى»، - دەيدى قاراجال قالاسى اكىمدىگىنىڭ ىشكى ساياسات ءبولىمىنىڭ باس مامانى مانارا جەكەمەكوۆا.

ايتىس «جومارت جۇرەك» سىيلىعىن تابىس ەتۋ ماراپاتىنا ورايلاستىرىلعان. اقىندار سايىسىنىڭ ءبىرىنشى كەزەڭى تاڭەرتەڭ، ال اقتىق سايىس پەن ماراپاتتاۋ سالتاناتى كەشكى 17.00 دە وتەدى.