باتىرحان شۇكەنوۆتىڭ «وتان اناسى» جاڭا اۋەنمەن شىرقالادى

الماتى. قازاقپارات - الماتىدا باتىرحان شۇكەنوۆتى ەسكە الۋعا ارنالعان بايقاۋ وتەدى، دەپ حابارلايدى قازاقپارات ءتىلشىسى.

بايقاۋدىڭ اشىلۋىندا «وتان انا» ءانى جاڭاشا اۋەنمەن ورىندالماق.

اشىلۋ سالتاناتى 26- قاراشادا قۇرمانعازى اتىنداعى كونسەرۆاتوريانىڭ ۇلكەن زالىندا بولادى. ۇيىمداستىرۋشىلاردىڭ ايتۋىنشا، كونسەرتكە ەتنو-دجازدان كلاسسيكاعا دەيىن ءار ءتۇرلى مۋزىكالىق باعىتتاعى توپتار مەن ورىنداۋشىلار قاتىسادى.

اتاپ ايتقاندا، Satzhan Project جانە Steppe Sons توپتارى، ۇرمەلى جانە قازاق حالىق اسپاپتارى انسامبلدەرى، فورتەپيانو كۆارتەتى، سەرىك نۇرمولدايەۆ، جانار حيدۋانوۆا ونەر كورسەتەدى.

كەش باعدارلاماسىندا اندرەي ەشپايدىڭ «مەرەكەلىك ۋۆەرتيۋرا»، «گەرشۆينا تاقىرىبىنداعى قيال»، سەرىك نۇرمولدايەۆ، Satzhan Project توبىنىڭ ونەر كورسەتۋى جانە باسقا دا توسىن سىيلار بولادى.

كەشتىڭ ەڭ ۇزدىك ءانى «وتان انا» قۋات شىلدەبايەۆتىڭ باتىرحان شۇكەنوۆتىڭ ەڭ العاشقى جەكە البومىنا جازىپ شىعارعان تۋىندىسى قوبىزشىلار مەن سوقپالى ءانسامبلدىڭ ورىنداۋىندا شىرقالادى.

بايقاۋ 26-30- قاراشا ارالىعىندا بەس نوميناتسيا بويىنشا: فلەيتا، گوبوي، كلارنەت، فاگوت جانە ساكسوفوندا وتەدى.

بايقاۋ جەڭىمپازدارىنىڭ ەسىمدەرى 30- قاراشادا جاريالانادى. ءار نوميناتسيادا 1، II جانە III دارەجەلى سىيلىقتار، سونداي-اق كونكۋرس ديپلومانتىنىڭ جانە «ۇزدىك كونتسەرتمەيستەر» ديپلومدارى مەن سىياقىلارى قاراستىرىلعان. بايقاۋدىڭ جالپى جۇلدە قورى 5250000 تەڭگە.

ىرىكتەۋ ونلاين تۇردە جۇزەگە اسىرىلدى. بايقاۋدىڭ ءبىرىنشى بولىمىنە قاتىسۋ ءۇشىن ۇمىتكەرلەر وزدەرى ورىنداعان بەينەجازبانى جىبەرۋى قاجەت بولعان. بايقاۋعا 32 جاسقا دەيىنگى كاسىبي ورىنداۋشىلار مەن ستۋدەنتتەردى قوسقاندا 43 ادام ءوتىنىم بىلدىرگەن. سولاردىڭ ىشىندە بايقاۋدىڭ كەلەسى كەزەڭىنە 28 قاتىسۋشى وتكەن.

ەستەرىڭىزگە سالا كەتەيىك، قازىلار القاسىنىڭ قۇرامىندا «جاڭا ەۋروپا» وركەسترىنىڭ باس ديريجەرى جانە كوركەمدىك جەتەكشىسى نيكولاس كراۋزە (فرانسيا)، ساكسوفونيست جانە كومپوزيتور كريستيان ەلين (گەرمانيا)، فلەيتيست، حالىقارالىق كونكۋرستاردىڭ لاۋرەاتى، پ. ي. چايكوۆسكي اتىنداعى ۇلكەن سيمفونيالىق وركەستردىڭ ءسوليسى نيكولاي پوپوۆ (رەسەي)، استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ ۇرمەلى اسپاپتار وركەسترىنىڭ باس ديريجەرى، ق ر ەڭبەك سىڭىرگەن قايراتكەرى اكىم مۇقاتجانوۆ، قۇرمانعازى اتىنداعى ق ۇ ك- نىڭ گوبويا كلاسى بويىنشا پروفەسسورى تاناتار نۇرالى، قۇرمانعازى اتىنداعى ق ۇ ك- نىڭ كلارنەت كلاسى بويىنشا پروفەسسورى جانات ەرمانوۆ بار.