كورىڭدەر مەنىڭ كىم ەكەنىمدى: دانيار ەلەۋسىنوۆتىڭ مونتە-كارلوداعى ءسوزى

استانا. قازاقپارات - قازاقستاندىق بوكسشى دانيار ەلەۋسىنوۆ (4-0، 2 ك و) مونتە-كارلودا (موناكو) پروفي-رينگتەگى كەزەكتى ايقاسى الدىندا ۇيىمداستىرىلعان باسپا ءسوز ءماسليحاتىندا ءسوز الدى، دەپ حابارلايدى Sports.kz.

24- قاراشادا دانيار مونتە-كارلودا (موناكو) Casino de Monte Carlo Salle Medecin ويىن- ساۋىق كەشەنىندە نيكاراگۋالىق كارلوس موحيكامەن (16-2-2، 12 كو) جەكپە-جەككە شىعادى.

«ماعان بۇل ورىن ۇنايدى. مۇندا ءبىرىنشى رەت كەلىپ وتىرمىن جانە سوڭعىسى بولمايتىندىعىنا سەنەمىن. ماعان ءار ەلدە، ءارتۇرلى جانداردىڭ الدىندا بوكستاسۋ ۇنايدى. سەنبى كۇنى مەنى كورۋ ءۇشىن كەلىڭىزدەر!»، - دەدى ەلەۋسىنوۆ.

دانيار سوڭعى جەكپە-جەگىن 20- قازاندا بوستوندا (ا ق ش) وتكىزدى. ول العاشقى راۋندتا امەريكالىق بوكسشى مەتتا دوەرتيدى (8-6-1، 4 ك و) نوكاۋتقا ءتۇسىردى.