تاريحي قۇندىلىقتار تۋرالى فيلمدەر تۇسىرىلەدى
«اقپارات جانە كوممۋنيكاتسيالار مينيسترلىگى ەلباسىنىڭ «ۇلى دالانىڭ جەتى قىرى» اتتى باعدارلامالىق ماقالاسىن اقپاراتتىق ناسيحاتتاۋعا اسا ۇلكەن كوڭىل بولەدى. بىرىنشىدەن، بۇگىندە مينيسترلىك تاراپىنان بۇل باعدارلامالىق ماقالانى اقپاراتتىق سۇيەمەلدەۋ، سونىمەن قاتار حالىققا ءمانى مەن ماعىناسىن ءتۇسىندىرۋ ب ا ق ارقىلى جۇزەگە اسىرىلۋدا. ەكىنشىدەن، وسى ماقالادا كوتەرىلگەن ماسەلەلەر مەملەكەتتىك اقپاراتتىق ساياساتتى جۇرگىزۋ بويىنشا مەملەكەتتىك تاپسىرىستىڭ تىزبەسىنە ەنگىزىلەدى. تيسىنشە، تاقىرىپتىق باعىتتار اياسىندا تەلەارنالاردا تانىمدىق ءارى ءبىلىم بەرۋ اقپاراتتىق باعدارلامالار، تەلەسەريالدار، دەرەكتى فيلمدەر، الەۋمەتتىك روليكتەر ازىرلەنەدى» ، - دەدى ەرجان نۇكەجانوۆ.
سونىمەن قاتار، باسىلىمداردا بىرنەشە ايدارلار اشىلاتىنى، وسى ورايدا «كونە تاريح كومبەسى» ايدارى قامتىلاتىنى بەلگىلى بولدى. ونىڭ اياسىندا ەل اۋماعىنداعى كيەلى ورىندار، ارحەولوگيالىق ەسكەرتكىشتەر مەن بۇرىن بەلگىسىز بولىپ كەلگەن تاريحي جەرلەر تۋرالى ماتەريالداردى، عالىمداردىڭ جاڭالىقتارى مەن سۇحباتتارىن جاريالاۋ باستالادى.
ايتا كەتەيىك، ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» اتتى ماقالاسى جاريالاندى.