فۋتبولدان قازاقستان كۋبوگىنىڭ فينالىنا كىرۋ تەگىن بولادى

استانا. قازاقپارات - 24 - قاراشا كۇنى استانا قالاسىنىڭ «استانا ارەنا» ستانديونىندا فۋتبولدان قازاقستان كۋبوگىنىڭ فينالى وتەدى، دەپ حابارلايدى «SPORTINFORM» س ا ا.

 ەل كۋبوگىنىڭ اقتىق سىنىندا «اتىراۋ» مەن الماتىلىق «قايرات» كوماندالارى كەزدەسەدى. ماتچ ەلوردا ۋاقىتىمەن ساعات 15:00 دە باستالادى. قازاقستاننىڭ كاسىپقوي فۋتبول ليگاسىنىڭ شەشىمىمەن ويىنعا كىرۋ تەگىن بولادى. «اتىراۋ» كومانداسىنىڭ جانكۇيەرلەرى ءۇشىن «SE»سەكتورى بولىنگەن. ال «قايرات» جانكۇيەرلەرى «NE»  سەكتورىندا ورنالاسادى.

ەسكە سالا كەتەيىك، بۇل كوماندالار ەل كۋبوگىنىڭ بىلتىرعى جارىسىندا كەزدەسىپ، ويىن الماتىلىقتاردىڭ جەڭىسىمەن (1:0) اياقتالعان. قاقپاعا جالعىز سوعىلعان دوپتىڭ يەسى - جەرار گوۋ.