دارحان كالەتايەۆ: قازاقستاندا جۇمىسسىز جاستار ازايدى

استانا. قازاقپارات - ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن ق ر پرەزيدەنتى جانىنداعى جاستار ساياساتى جونىندەگى كەڭەستىڭ كەزەكتى وتىرىسىندا ق ر قوعامدىق دامۋ ءمينيسترى دارحان قالەتايەۆ قازاقستانداعى جۇمىسسىز جاستاردىڭ سانى ازايعانىن اتاپ ءوتتى، دەپ حابارلايدى قازاقپارات.

«جاستاردى جۇمىسپەن قامتۋ ماسەلەلەرى بويىنشا جاھاندىق ۇردىستەرمەن سالىستىرعاندا، ەلدەگى جاعداي تۇراقتى. 2001 -جىلمەن سالىستىرعاندا جاستار اراسىندا جۇمىسسىزدىق دەڭگەيى %16 - دان %4 عا دەيىن تومەندەدى جانە بىرنەشە جىل قاتارىنان وسى دەڭگەي ساقتالىپ كەلەدى. رەسمي ستاتيستيكا بويىنشا، جۇمىسسىزدىق دەڭگەيى %3,9 قۇراپ وتىر»، - دەپ مالىمدەدى د. كالەتايەۆ.

ەلىمىزدە جاستاردى الەۋمەتتەندىرۋگە جانە جۇمىسپەن قامتاماسىز ەتۋگە باعىتتالعان ءبىرقاتار جوبالار جۇزەگە اسىرىلۋدا. مىسالى، «جاستار پراكتيكاسى»، «ديپلوممەن اۋىلعا»، «ماڭگىلىك ەل جاستارى - يندۋسترياعا» - «سەرپىن»، «جاسىل ەل»، «جاستار كادرلىق رەزەرۆى» جانە ت. ب. جوبالار بار.

ءمينيستردىڭ ايتۋىنشا، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان باعدارلاماسى اياسىندا بارلىق ماماندارعا ارنالعان تەگىن تەحنيكالىق جانە كاسىبي ءبىلىم بەرۋ (ت ج ك ب) جوباسى ىسكە اسىرىلىپ جاتىر، بۇل ەكونوميكا قاجەتتىلىكتەرى بويىنشا بىلىكتى ماماندار دايارلاۋعا مۇمكىندىك بەرەدى. 381 ماماندىق بويىنشا 312 كوللەدجدە 21 مىڭ ادام وقىتىلۋدا.

«ەڭبەك جانە حالىقتى الەۋمەتتىك قورعاۋ مينيسترلىگى 2018 -جىلى مەكتەپ بىتىرگەننەن كەيىن بىلىكتىلىكسىز قالىپ قويعان جاستارعا قوسىمشا 31,2 مىڭ ورىن ءبولىپ، تەگىن تەحنيكالىق جانە كاسىبي ءبىلىم بەرۋدى قولعا الماق»، - دەدى د. كالەتايەۆ.

بۇدان باسقا، جاستار كاسىپكەرلىگىن دامىتۋ جانە جاستاردى جۇمىسپەن قامتۋ ءۇشىن ميكرونەسيەلەر الۋعا ارنايى كۆوتالاردى ەنگىزۋ قاراستىرىلعان.

«جوعارى وقۋ ورنىن نەمەسە ت ج ك ب بىتىرگەن، ءبىراق جۇمىسى جوق 63 مىڭ ادامدى جۇمىسپەن قامتۋ ءۇشىن كۆوتالاردى ۇلعايتۋ جانە «جاستار تاجىريبەسى» جوباسىنا قاتىساتىنداردىڭ جالاقىسىن جوعارىلاتۋ شارالارى قولدانىلادى»، - دەپ اتاپ ءوتتى ول.