بەكبولات تىلەۋحان ازاماتتىق الا الماي جۇرگەن ورالماندار ماسەلەسىن كوتەردى
«پارتيا جەتەكشىسى ەلباسىنىڭ تاريحي ورنى، ساياسي تۇلعاسىن سومداي تۇسەتىن ەرەكشە قادامدارىنىڭ ءبىرى - اتاجۇرتقا قانداستاردى قايتارۋى. «ءبىز تىعىرىقتى تار زاماندا تارىداي شاشىلىپ كەتكەن قانداستاردى اتامەكەنگە جيناعان الەمدەگى ءۇش ەلدىڭ ءبىرىمىز» دەگەن بولاتىن ەلباسىمىز. سونىمەن ەلباسىنىڭ پارمەنىمەن اتاجۇرتقا اعايىن اعىلدى، ميلليونداي قازاق قارا شاڭىراعىنا قايىرىلدى. تاريحي وتانىنا ءبىرجولا كوشىپ كەلگەن ازاماتتاردىڭ سانى كۇننەن-كۇنگە وسۋدە»، - دەدى دەپۋتات.
بەكبولات تىلەۋحان ورالمانداردىڭ قازاقستان ازاماتتىعىن الۋدا كەيبىر ماسەلەلەر بارىن اتاپ ءوتتى.
«شەتەلدەن ەرتەرەكتە كوشىپ كەلىپ، قازاقستان ازاماتتىعىن الۋ ءۇشىن ەڭ الدىمەن ورالمان كۋالىگىن الىپ، ءارى قاراي تۇراقتى تىركەلەتىن ءۇي تابا الماي، ءۇي تابىلسا ءبىر كەزدەگى ىقتيار حات جانە ازاماتتىق الۋعا كەرەكتى قيسىنى بار، قيسىنسىز قۇجاتتارمەن سونىمەن قوسا زورعا الاتىن انىقتامالاردىڭ ءبارىن جيناپ بولعانشا بار بولعانى ءبىر جىلعا بەرىلەتىن ورالمان كۋالىگىنىڭ مەرزىمى ءوتىپ كەتكەندىكتەن ولار ازاماتتىققا قابىلدانباي قالىپ وتىر»، - دەدى ق ر پارلامەنتى ءماجىلىسىنىڭ دەپۋتاتى.
ماجىلىسمەن مۇنداي قانداستاردىڭ سانى قازىر 7000 عا جۋىقتاپ قالعانىن ايتى.
«سوندىقتان قادىرلى پرەمەر-مينيستر مىرزا، ءسىز دە ورالمان كۋالىگىنىڭ مەرزىمى ءوتىپ كەتكەن قانداستارىمىزعا ەڭ بولماسا ءبىر رەتتىك جانە كەمىندە جارتى جىلعا وسىنداي مەرزىمگە امنيستيا جاريالاپ، ولاردىڭ قازاقستان ازاماتتىعىن الۋىنا مۇمكىندىك بەرۋدى وتىنەمىز. سونداي-اق ازاماتتىق الۋ ءتارتىبى زاڭناما جۇزىندە بارىنشا جەڭىلدەتىلسە دەيمىز. الىستان كەلگەن اعايىننىڭ ءبىر جىلدىڭ ىشىندە ازاماتتىقتى الىپ ۇلگەرمەۋى سەبەپتەرىنە جاقسىلاپ ساراپتاما جاساپ، انىقتاپ وسى ماسەلەنى تۇپكىلىكتى شەشۋگە شارا قولدانۋىڭىزدى سۇرايمىز»، - دەدى بەكبولات تىلەۋحان.
Baq.kz