12:25, 22 - قاراشا 2018 | GMT +5
جاپونيادا ءىرى اۆتوبىرلەستىكتىڭ باسشىسى قاماۋعا الىندى
استانا. قازاقپارات -جاپونيادا «رەنو- نيسسان- ميتسۋبيسي» اۆتوبىرلەستىگىنىڭ باسشىسى كارلوس گون قاماۋعا الىندى. جاپون پروكۋراتۋراسى وعان قارجىلىق الاياقتىققا باردى دەپ ايىپ تاعىپ وتىر.
گون بىرنەشە جىل بويى سالىق مالىمدەمەسىندە ءوزىنىڭ كىرىسىن ازايتىپ كورسەتىپ كەلگەن. مالىمەتكە قاراعاندا ول سوڭعى بەس جىلدا 44 ميلليون دوللاردى جاسىرىپ قالعان. وسىعان بايلانىستى كونسەرن باسشىلىعى گوندى قىزمەتىنەن بوساتۋ تۋرالى ماسەلەنى قاراستىرماق.
ايتا كەتەيىك، برازيليالىق كارلوس گون - كولىك جاساۋ سالاسىنداعى ەڭ ايگىلى مەنەدجەرلەردىڭ ءبىرى. ول 1996 -جىلى داعدارىستى باسىنان كەشىپ جاتقان «رەنو» كومپانياسىن باسقارۋدى قولعا الىپ، ونىڭ تابىسىن ەسەلەگەن. سودان كەيىن «نيسسان» كومپانياسىنىڭ باقىلاۋشى اكسيالار پاكەتىن يەلەنىپ، ونى دا كۇيرەۋدەن ساقتاپ قالعان ەدى.
www.24.kz